Aksııa qarsańynda qalamger Moldabek Janbolatovtyń «Músinshi Muratbek» kitabynyń tusaýkeseri uıymdastyrylyp, «Ulylardy músindegen Muratbek» kórmesiniń ashylýy boldy. Jalpy merekelik sharaǵa myńǵa jýyq adam qatysty. Mádenı keshke elimizge tanymal azamattar men qala turǵyndary ekspozısııany tamashalap, mýzeıde ótip jatqan túrli sharalardyń kýási boldy. Aksııaǵa Ulttyq Ulannyń «Shyǵys» óńirlik qolbasshylyǵyna qarasty 5511 áskerı bóliminiń áskerı orkestriniń mýzykanttary qatysyp, zamanaýı kompozısııalardyń áskerı sherýleri men popýrrıleri qala turǵyndary úshin merekelik kóńil-kúı syılady.
Mýzeıdiń dıno-kvest bóliminde balalar gıpsten jasalǵan jumyrtqalardyń ishinen dınozavr oıynshyqtary arqyly dınozavrlar týraly málimet beretin kartochkalardy qarap, ejelgi jaratylystar jaıly qyzyqty derektermen tanysty. Al «Kóktemgi shabyt» qolóner sheberleriniń kórme-jármeńkesinde kelýshiler jergilikti qolóner sheberleriniń gıps, saz, epoksıdti shaıyr, sabyn jáne tabıǵı materıaldardan jasalǵan áshekeıleri men músinderi sııaqty biregeı buıymdardy tamashalady. Sonymen qatar mýzeı kelýshilerge ınteraktıvti paleo-art aımaǵy arqyly ejelgi úńgirden ún qatty. Munda árbir kelýshi ózin naǵyz kóne dáýir sýretshisi retinde sezinip, ohra tústi boıaýdyń kómegimen ejelgi tasqa salynǵan sýretterden shabyttanyp, óz «petroglıfterin» jasady. Buǵan qosa ulttyq zııatkerlik oıyndy nasıhattaý maqsatynda mektep oqýshylary toǵyzqumalaq oıynynan tapqyrlyq pen utqyrlyqta baq synasty. Al «Mýzeı jáne týǵan ólke» tarıhı-tanymdyq zııatkerlik jarysynda Abaı oblysy mádenıet, tilderdi damytý jáne arhıv isi basqarmasyna qarasty mekeme qyzmetkerleri arasynda 7 komanda qatysyp, nátıjesinde júldeli úshinshi oryndy «Darıǵa-aı» jastar teatry men Abaı oblysynyń lıngvıstıkalyq ortalyǵy ılense, ekinshi oryndy Semeı qalalyq mádenıet saraıy, birinshi oryndy Abaı atyndaǵy oblystyq ámbebap kitaphana ujymy aldy.
Sondaı-aq mýzeıge kelýshige uly Abaı Qunanbaıuly, Álıhan Bókeıhan, Shilikti altyn adamy men Úrjar hanshaıymy jáne Qazaq batyry naqyshynda kıingen keıipkerlermen sýretke túsýge fotozona uıymdastyryldy.
Taǵy bir erekshelik tarıh pen tabıǵattyń úılesimi boldy. Onda «О́zgerister zamany jáne tabıǵat» sıkli, «Qustar – bizdiń qanatty dostarymyz» ınteraktıvti dárisi, «Qazaqstannyń florasy jáne faýnasy» taqyrybynda toptyq jumys, «Bıologııa jáne jasandy ıntellekt» atty praktıkalyq dáris ótti. Budan soń Abaı eliniń talantty jas aqyndary ólkeniń tarıhyn jyrǵa qosyp, mýzeıge kelýshilerdi jalyndy jyrlarymen tánti etti.
Abaı oblysynyń mádenıet, tilderdi damytý jáne arhıv isi basqarmasyna qarasty oblystyq tarıhı-ólketaný mýzeıiniń dırektory Qaırat Zekenulynyń arnaıy shaqyrtýymen biz de baryp, keremet keshtiń kýási bolyp qaıttyq.
Abaı oblysy
