— Jıynǵa qatysýshylar qazirgi ahýal týraly baıandap, aımaqtarda etnosaralyq qatynas salasynda turaqtylyqty qamtamasyz etýge, azamattyq qoǵammen birlesip jumys isteýge, memlekettik aqparat saıasatyn júzege asyrýǵa qatysty qolǵa alynyp jatqan sharalar týraly málimet berdi. Qazaqstan halqy Assambleıasyn damytý tujyrymdamasyn ázirleý jáne bul qurylymnyń formatyn jetildirý máselesine aıryqsha nazar aýdaryldy, — delingen habarlamada.
Sonymen qatar jıynda bıyl ótetin mańyzdy qoǵamdyq-saıası is-sharalar qarsańynda jalpyulttyq birlikti odan ári nyǵaıtý sharalary talqylandy.
Jıyn sońynda Memlekettik keńesshi jaýapty memlekettik organdarǵa etnosaralyq kelisimdi qamtamasyz etýge jáne barlyq deńgeıdegi úılestirý jumysyn kúsheıtýge baǵyttalǵan ishki saıası jumystyń basym baǵyttary boıynsha naqty tapsyrmalar berdi.
