Foto: ashyq derekkózden
Sonymen qatar respýblıkamyz Eýropalyq odaqqa suranysqa ıe qunarly mal azyǵy – kúnbaǵys shrotynyń negizgi úsh jetkizýshisiniń biri sanalady. О́tken maýsymda maı, shrot jáne kúnjara satýdan túsken eksporttyq kiris 562 mıllıon AQSh dollaryna jetti. Mundaı ósýge ósimdik sharýashylyǵyndaǵy basymdyqtardy birtindep ózgertý arqyly qol jetti. Taıaý jyldary bul kórsetkishti jyl saıyn 1 mıllıard dollarǵa deıin arttyrý josparlanyp otyr. Bul nátıjege qol jetkizý úshin ósimdik sharýashylyǵyndaǵy basymdyqtardy birtindep ózgerte otyryp, bıdaıdan tabysy joǵary maıly daqyldarǵa, eń aldymen kúnbaǵysqa kóshýge den qoıylady.
«Qazirgi tańda elimiz ishki naryqty tolyǵymen qamtamasyz etýmen birge baǵany turaqtandyryp, eksportty ulǵaıtyp jatyr. Maqsat – tek ónimdi eksporttaý ǵana emes, sonymen qatar ekonomıkalyq turaqtylyqqa úles qosyp, búkil aımaq úshin azyq-túlik jetkizýshisine aınalý. Saýda jáne ıntegrasııa mınıstrliginde otandyq maı óńdeý kásiporyndaryn ilgeriletýdiń tıimdi quraldary bar. Bul – saýda-ekonomıkalyq mıssııalar, eksportty jedeldetý baǵdarlamasy, sondaı-aq eksportty ilgeriletý shyǵyndaryn óteý tetikteri. Bular qazirdiń ózinde tikeleı nátıje berip jatyr.Sońǵy 5 jylda otandyq ósimdik maıyn dúnıejúzi naryǵyna jetkizý úderisi turaqty túrde ósip keledi», dep atap ótti QazTrade bas dırektorynyń birinshi orynbasary Nurlan Qulbatyrov.
Qazir kúnbaǵys maıy Ortalyq Azııa elderine jáne Qytaıǵa eksporttalady. Endi eksport geografııasyn Taıaý Shyǵys elderine deıin ulǵaıtý josparlanǵan. Maıly daqyldardy qaıta óńdeýshilerdiń ulttyq qaýymdastyǵynyń tóraǵasy Iаdykar Ibragımovtiń aıtýynsha, Qazaqstan básekege qabiletti oıynshy bola alatyn maılar men jemshóptiń jahandyq naryǵy 43 mıllıon tonnaǵa baǵalanady. Bul qazaqstandyq eksporttyń aǵymdaǵy kóleminen 42 ese kóp. Demek, memleket pen jeke sektordyń kúsh-jigerin júıeli úılestire otyryp, áleýetimizdi odan ári damyta alamyz. Bul baǵytta taıaý eki jylda Qazaqstannyń halyqaralyq naryqtaǵy pozısııasyn nyǵaıtýǵa arnalǵan eksporttyq jol kartasy ázirlenedi.
