Oqıǵa ornynda atmosferalyq aýanyń sapasyna aspaptyq ólshemder qoıǵan. Ekologııa departamentiniń mamandary turǵyndarǵa tóngen qaýip joq desedi. Alaıda, densaýlyq saqtaý basqarmasy halyqqa eskertý jasady.
«Kózderińiz ashyp, tamaq jybyrlap nemese tynys alý qıyndaǵan belgiler bolsa dereý medısınalyq kómekke júginińizder. Qaladaǵy medısınalyq mekemeler úzdiksiz jumys istep tur. Árbir turǵynǵa qajetti kómek kórsetýge daıyn» dep málimdedi densaýlyq saqtaý basqarmasynyń mamandary.
Qazir jaǵdaı jergilikti bıliktiń baqylaýynda, mamandar aýa sapasy men halyqtyń densaýlyǵyn qadaǵalap otyr.
Sondaı-aq, Sogra shaǵyn aýdanyndaǵy jaǵdaıǵa baılanysty mektep oqýshylary qashyqtyqtan oqýǵa aýystyryldy.
Kombınat bergen málimetke súıensek, sol kúni №3 hlorlaý qondyrǵysynda bir bólshek qulap, tútin qubyry bitelip qalǵan. Kásiporyn zerthanasy sanıtarlyq-qorǵaý aımaǵy shegindegi aýany tekserip, aýa quramyndaǵy hlor shekti deńgeıden aspaǵanyn málimdedi.
Jaǵdaı jergilikti bılik pen «О́skemen tynysy» ekologııalyq qorǵaý bıýrosynyń baqylaýynda.
«Kazgıdromet» RMK qalada II dárejeli qolaısyz meteo jaǵdaı tirkelgenin habarlady.
О́skemen
