Sóz basynda vıse-mınıstr elde atom elektr stansııasyn (AES) salý josparyna baılanysty ıadrolyq fızıka salasyndaǵy kadrlardy daıarlaý qajettiligi týyndap otyrǵanyn atap ótti.
- Qazirgi tańda AES-ke qatysty grant máselesin qalyptastyryp jatyrmyz. Tehnıkalyq ýnıversıtetterdiń oqý baǵdarlamalary men múmkindikteri eskeriledi. Aldaǵy ýaqytta qansha mamandyqqa qajettilik týyndaıtynyn tolyq baǵamdaı kele, granttar sany belgilenedi, – dedi Talǵat Eshenqulov.
Onyń málimetinshe, AES úshin arnaıy jańa oqý orny ashylmaıdy. Sebebi elimizde tehnıkalyq baǵytta bilim beretin 122 joǵary oqý orny bar. Olardyń ishinde ıadrolyq fızıka mamandyǵy boıynsha bilim beretin iri ýnıversıtetter de bar.
- Olardyń árqaısysynyń oqý baǵdarlamasy ártúrli. Oqý oryndarynyń bilim sapasyna jáne ınfraqurylymyna baılanysty sheshim qabyldanady, – deıdi vıse-mınıstr.
Al qaı mamandyqqa kóp grant bólinedi degen saýalǵa:
Bıyl tehnıkalyq mamandyqtarǵa suranystyń joǵary bolýyna baılanysty grant sany kóbirek bolady, – dep jaýap berdi vıse-mınıstr.
