Resmı málimetke sáıkes, ótken jyly 15,7 myń gektar, al bıylǵy jyly 14,3 myń gektar jerdiń maqsatqa saı paıdalanylmaı jatqany anyqtalǵan. Mundaı ýchaskeler — aýyl sharýashylyǵy aınalymyna tartylmaǵan, ınfraqurylym nemese óndiristik jobaǵa aınaldyrylmaǵan bos jatqan aýmaqtar.
2024 jyly 4230 gektar jaıylymdyq jer memlekettik bosalqy jer qoryna qaıtarylǵan. Onyń ishinde 668,9 gektary jer ıeleriniń erikti túrde qaıtarýymen, al 339,2 gektar jer Qonaev qalalyq sotynyń sheshimimen memleket menshigine ótti.
Bıyl jyldyń basynan beri 1490 gektar jer sot sheshimimen memleketke qaıtarylsa, 150 gektar jerdi ıeleri óz erkimen bergen.
Sonymen qatar 1121 gektar jerge qatysty materıaldar Almaty oblysynyń jer resýrstaryn basqarý departamentine joldanyp, salyq mólsherlemesin 20 esege deıin arttyrý sharalary qarastyrylǵan.
Bul jumystardyń maqsatyna keler bolsaq, jer – memlekettiń ekonomıkalyq jáne áleýmettik resýrsy. Ony maqsatsyz ıemdený nemese paıdalanbaý – zań buzýshylyq qana emes, qoǵam ıgiliginen tys qaldyrýdy bildiredi.
Memleket paıdalanylmaı jatqan jerlerdi qaıtarý arqyly aýyl sharýashylyǵy óndirisin damytýǵa, jańa ınvestısııalyq jobalardy júzege asyrýǵa, ınfraqurylym júrgizýge jáne jaıylym tapshylyǵy máselesin sheshýge jol ashady.
Qonaev qalasy ákimdigi bul baǵyttaǵy jumystardy jalǵastyryp, jer paıdalanýshylarǵa jerdi tıimdi ıgerý jóninde talaptardy eske saldy. Talap oryndalmaǵan jaǵdaıda zań aıasynda tıisti sharalar qabyldanbaq.
Almaty oblysy.
