Fýtbolshy Messıdiń eki portreti 1 mln. eýroǵa satyldy

ASTANA. 13 aqpan. Londondaǵy Sotheby's aýksıonynda «Lıonel Messı jáne gúlder keńistigi» dep atalatyn kartına balǵa ústinen 317 myń fýnt sterlıngke ($483,2 myń) satylyp ketti. Bul týraly aýksıon úıiniń baspasóz paraqshasyna úńilgen RIA «Novostı» habarlady. Kartınany japon sýretshisi Takashı Mýrakamı salǵan eken. Buǵan qosa, japon sýretshisiniń dızaınymen shyqqan, Messıdiń qoltańbasy qoıylǵan fýtbol doby 45 myń fýntqa ($68,6 myń) satylǵan. «Barselona» lıderi beınelegen kelesi portret – brıtanııalyq sýretshi Lemen Hersttiń qylqalamynan týǵan kartına 557 myń fýntqa ($849 mln.) baǵalanǵan. Ekeýi de basynda qoıylǵan starttyq baǵalarynan kóp asyp ketken. Aýksıonda fýtbol taqyrybyna arnalǵan barlyǵy 18 zat jańa ıelerin tapqan. Olardyń jalpy quny 2,663 mln. fýnt sterlıngti ($4,06 mln.) quraǵan. Budan buryn saýdadan alynǵan qarajattyń Bangladesh, Indonezııa jáne Nepal elderindegi balalar sportyn damytýǵa jumsalatyny aıtylǵan. Damır Qojamqul. Derek, sýret: RIA «Novostı».