- Oblystaǵy jalpy aýmaǵy 9 mln gektardan astam alqapta ornalasqan 36 ańshylyq sharýashylyǵynyń jerinde 30 myńnan astam kıik jaıylyp júr. Olar jyl ótken saıyn kóbeıip keledi. Janýarlar Baıanaýyl aýdanynyń Qaraǵandy oblysymen shekaralas jerlerin jáne Maı aýdanyn mekendeıdi. Kıikti atýǵa ruqsat joq. Qazirgi ýaqytta tek sibir eligi, qaban, baıbaq sýyry, aq qoıan, sur qoıan, túlki, qarsaq, borsyq, úırekter men qazdardyń barlyq túrlerine, sur kekilik, qasqaldaq, bódene, qumsalǵysh, kógershin, qaraquıryqtarǵa ańshylyq jasaýǵa bolady,-deıdi Orman sharýashylyǵy jáne janýarlar dúnıesi aýmaqtyq ınspeksııasynyń bólim basshysy Dıas Qabdolla.
Ańshylyq sharýashylyqtardyń málimetteri boıynsha óńirdegi barlyq jabaıy janýarlardyń jalpy sany 833 myńnan asady. Pavlodar oblysynda sırek kezdesetin jáne joǵalyp ketý qaýpi bar janýarlardyń 16 túri mekendeıdi. Olar – taý arqary, orman sýsary, qara degelek, aq bas tyrna, taztyrna, bezgeldek, qarabas ógiz shaǵala, suńqyldaq aqqý, balyqshy tuıǵyn, dala qyrany, qaraqus, búrkit, aqıyq sýbúrkit, aq quıryqty sýbúrkit, ıtelgi, úki, sýsary. Bulardyń jalpy sany 2200-den asady. Onyń shamamen 771-i - arqar janýary.
Pavlodar oblysy
