Brent markaly munaıdyń baǵasy 60 dollardan asty

ASTANA. 13 aqpan. Juma kúni Londonnyń ICE Futures bırjasynda Brent markaly munaıdyń deńgeıi barreline (sáýir fıýchersi) 60,04 dollardan keldi. Bul týraly RBK habarlady. Munyń ózi munaı baǵamynyń keshegi kúnnen 0,71 dollarǵa kóterilgenin kórsetedi. Osynyń aldyndaǵy saýdada ol 59,28 dollardy kórsetip edi. Sońǵy kezde dál mundaı baǵa ótken jyldyń jeltoqsan aıynda bolǵan. «Munaı baǵasy ony óndirý mólsheriniń túse bastaǵanyna baılanysty kóterilip otyrá dep habarrlady Bloomberg agenttigi. Amerıkanyń Apache Corp munaı-gaz kompanııasy 12 aqpannan burǵylanyp alynatyn munaı kólemin 70 paıyzǵa deıin qysqartatynyn, al fransýzdyń Total SA kompanııasy geologııalyq barlaý jumystarynyń shyǵyny men kólemin qysqartýdy josparlap otyrǵanyn jarııa etti. Halyqaralyq energetıkalyq agenttiktiń 9 aqpan kúni jarııalanǵan aldaǵy bes jylǵa jasalǵan boljamynda qazirgi kezde munaıdyń eń tómengi núktelerden alynyp jatqany, sondyqtan jaqynda munaı shıkizatynyń baǵasy qaıtadan kúrt qaýlap qymbattaı bastaıtyny atap kórsetilgen. Alaıda, baıandama avtorlarynyń pikirlerinshe, suranystyń ózi álsiz bolady – 2016 jyly munaıdyń orta baǵasy barreline 60 dollardyń shamasynan aspaıdy. Budan buryn OPEK óziniń esebinde munaıǵa 2015 jylǵy suranystyń jaqsaratynyn boljaǵan edi. Uıymnyń aı saıynǵy esebinde suranystyń táýligine 1,17 barrelge ósip turatyny aıtylǵan. Murat Aıtqoja. Derek, foto: RBK.