ASTANA. 13 aqpan. Qyzylorda qalasynda memlekettik tildiń qoldanys aıasyn keńeıtý men Qazaqstan halqy Assambleıasynyń 20 jyldyǵyna oraı ózge ult ókilderi arasynda «Til – tatýlyq tiregi» atty oblystyq baıqaý ótkizildi. Oǵan Qyzylorda qalasy men aýdandardan 18-30 jas aralyǵyndaǵy ult ókilderi qatysty. Bul týraly egemen.kz tilshisi habarlady.
Saıys sharty boıynsha talapkerler «Búgingi tańda qazaq tilin bilý nege mańyzdy?», «Men nege qazaq tilin úırengim keledi?», «Qazaq tilin úırenýdiń ózindik erekshe tásilderi», «Meniń ınternasıonaldyq otbasym – biz úıde qazaqsha qalaı sóılesemiz», «Til birligi – men ana tilin, qazaq, orys, aǵylshyn jáne basqa da tilderdi bilemin» taqyryptarynda beınerolıkter daıyndap, ony memlekettik tilde jetkize bildi. Sondaı-aq, berilgen taqyryp boıynsha esse jazyp, aýyzsha suraqtarǵa jaýap berdi.
Shara sońynda jeńimpazdar men júldegerler laıyqty marapattaldy.
Joldybaı Bazar.
Derek, sýret: egemen.kz.
