Forýmǵa Batys Qazaqstan oblysynyń ákimi Narıman Tóreǵalıev, oblystyq máslıhat tóraǵasy Murat Muqaev, oblystyq bilim basqarmasynyń basshysy Eldos Safýllın, «О́rleý» BQO fılıalynyń dırektory Sofıa Izmuhanbetova, ardager ustazdar, daryndy oqýshylar jáne olardyń ata-analary qatysty. Sharaǵa 800-ge jýyq adam jınaldy.
Jıynǵa qatysýshylar forým aldynda uıymdastyrylǵan arnaıy kórmede 10 oqýshynyń ǵylymı jobasymen jaqyn tanysty. Al saltanatty bólimde 78 oqýshy men 76 pedagogtyń jetistigi atalyp, olar alǵys hatpen jáne gúl shoǵymen marapattaldy.
Forým sońynda Sosıalıstik Eńbek Eri Kenjebek Meńdálıev atyndaǵy mektep oqýshysy Saıda Ábýhanova sóz sóıledi.
«Meniń bul jeńisterim jáı ǵana nátıje emes, úlken tájirıbe boldy. О́zime senimim kúsheıip, kóptegen dostar tabýyma, jańa múmkindikter álemine esik ashýyma kómektesken erekshe sát boldy. Árıne, bul jetistigime ustazym Dıana Azamatqyzynyń qosqan úlesi zor. Ol meniń ustazym ǵana emes, ári aqylshym, ári senimdi dosym sekildi. Sol kisiniń qoldaýymen, baǵyttaýymen men qarapaıym aýyl balasy da osyndaı úlken jeńiske jete alatynyn dáleldeı aldym. Bizge bilim bergen altyn uıa mektebimniń barlyq ustazyna alǵys aıtamyn. Bilim men ǵylymǵa kórsetilgen zor qamqorlyǵy úshin memleketimizge, oblys basshylaryna rızashylyǵymyz sheksiz. Osy úmitti aqtaýǵa tyrysamyz», dedi Jalpaqtal aýylynan kelgen jas ulan.
О́ńir basshysy elimizde jáne oblysta bilim salasynda jasalyp jatqan jumystarǵa toqtaldy. Aqjaıyqtyq oqýshylardyń bilim salasyndaǵy tabystaryna joǵary baǵa berip, úzdik oqýshylar men ustazdardy erekshe yqylaspen quttyqtady. Batys Qazaqstan oblysynda «Keleshek mektepteri» jobasy aıasynda byltyrdan beri 3 oqý orny ashyldy. Jyl sońyna deıin taǵy 6 bilim ordasy boı kóteredi. Al aldaǵy jyly kúrdeli jóndeýden ótip, jańaratyn ǵımarattar qatarynda Saıda oqıtyn Kenjebek Meńdálıev atyndaǵy mektep ǵımaraty da bar.
Batys Qazaqstan oblysy
