Halyqaralyq baǵdarlamalar ortalyǵynyń málimetinshe, shetelde kadrlar daıarlaý jónindegi Respýblıkalyq komıssııanyń sheshimimen 189 qazaqstandyq halyqaralyq «Bolashaq» stıpendııasynyń ıegeri atandy.
«Bıyl konkýrs jańa kezeń-kezeńimen irikteý erejeleri boıynsha ótti. Bul úderis keshendi testileý men jeke áńgimelesýdi qamtıdy. Jańa stıpendıattardyń ishinde 164 adam magıstratýrada, 10 adam doktorantýrada oqıdy, al 15 qazaqstandyq álemniń jetekshi ýnıversıtetteri men ortalyqtarynda kásibı taǵylymdamadan ótedi», delingen habarlamada.
Aıta keteıik, 2024 jyly «Bolashaq» halyqaralyq stıpendııasy 150 qazaqstandyqqa berilgen bolatyn.
Eske sala keteıik, «Bolashaq» stıpendııasyna qujat qabyldaý 2025 jylǵy naýryzda bastalǵan. Shetelde kadr daıarlaý kezinde basymdyq ınjenerlik-tehnıkalyq jáne medısınalyq mamandyqtarǵa beriledi.
