Álem memleketteri arasyndaǵy senim álsirep, geosaıası shıelenister kúsheıip, dıalogtiń ornyna únsizdik jaılap barady. Osyndaı kezde Qazaqstan uıymdastyryp otyrǵan mundaı forýmdar – shyn máninde strategııalyq mańyzy bar bastama.
Astana forýmy qatardaǵy pikir almasý alańy emes. Bul – álemdik senimdi qalpyna keltirý jolyndaǵy naqty qadam. Munda Shyǵys pen Batys, Soltústik pen Ońtústik ókilderi bir ústel basynda otyryp, ashyq sóılese alady. Qazirgideı fragmenttelgen, ıaǵnı bólshektenip ketken álemde osyndaı dıalog alańdary mańyzǵa ıe bolyp otyr.
Men úsh jyl buryn saıasattan ketken soń, kıberqaýipsizdik pen jasandy ıntellekt salasynda jumys istep kelemin. Qazir ózim basqaratyn kompanııa memleketter men mańyzdy ınfraqurylymdardy kıbershabýyldardan qorǵaý úshin álemniń ár túkpirinde jumys isteıdi. Saıasat sahnasynan ketsem de jahandyq úrdisterge beıjaı qaraı almaımyn.
Sebebi búgingi álem senim daǵdarysyna ushyraǵan. Bul daǵdarystyń sheshimi – kezdesip, ashyq dıalog ornatý. Bir-birimizdi tyńdaı alý, túsine bilý – bolashaqtaǵy turaqtylyqtyń kepili. Osy turǵydan alǵanda, Astana halyqaralyq forýmy – memleketterdi qaıta jaqyndastyratyn, senimdi qaıta oıatatyn biregeı platforma.
Sebastıan Kýrs,
Aýstrııanyń eks-kansleri, kásipker
