Osy maqsatta Tarbaǵataı jáne Marqakól aýdandary aýmaǵyndaǵy avtojol ýchaskelerinde janýarlardyń arnaıy maketteri ornatyldy. Mundaı vızýaldy eskertý belgileri júrgizýshilerge jyldamdyqty aldyn ala tómendetýge jáne janýarlardyń jıi kóshi-qony baıqalatyn nemese jol jıeginde kezdesetin oryndarda barynsha saq bolýǵa kómektesedi.
Polıseılerdiń aıtýynsha, bul maketterdi ornatý – jol-kólik oqıǵalarynyń aldyn alýǵa jáne jol qozǵalysyna qatysýshylar men janýarlardyń ómirin saqtaýǵa baǵyttalǵan shara. Aýyldyq jerlerdegi trassalarda jol qaýipsizdigin qamtamasyz etý – basty mindetterdiń biri. Sebebi jol boıynda janýarlardyń kenetten paıda bolý qaýpi áldeqaıda joǵary.
Shyǵys Qazaqstan oblysy Polısııa departamenti júrgizýshilerdi erekshe saq bolýǵa, jyldamdyq rejımin jáne jol belgilerin, ásirese arnaıy belgilengen aýmaqtarda qatań saqtaýǵa shaqyrady.
Shyǵys Qazaqstan oblysy
