Sertıfıkat tabystaý rásimine «Ǵylym ordasy» RMK bas dırektory Ular Muqajanov, Túrkııa Respýblıkasynyń Almaty qalasyndaǵy Bas konsýldyǵynyń bilim jónindegi attashesi Aıhan Korkmaz, kýrs ustazdary Ahmet Karaman men Iаlchyn Iýrdakýl, sondaı-aq mekeme qyzmetkerleri qatyst.
Kýrs bıylǵy jyldyń 21 qańtarynda bastalyp, oǵan Ǵylym ordasynyń 31 qyzmetkeri qatysty. Oqý nátıjesinde qatysýshylar túrik tiliniń bastapqy — A1 deńgeıin meńgerip shyqty.
Bas dırektor Ular Muqajanov bul bastamanyń mańyzdylyǵyna toqtalyp, halyqaralyq baılanystardy nyǵaıtý, qyzmetkerlerdiń tildik quzyrettiligin arttyrý arqyly kásibı biliktiligin jetildirý jáne mádenıaralyq túsinistikti damytýǵa baǵyttalǵanyn atap ótti.
«Ǵylym ordasy – tek ǵylymı murany saqtap, zertteýmen shektelmeı, zaman talabyna saı únemi jańaryp, damyp kele jatqan mekeme. Qyzmetkerlerimizdiń kásibı jáne tildik quzyrettiligin arttyrý – basty basymdyqtarymyzdyń biri. Osy rette ujymnyń til úırenýge degen yntasy men damý jolyndaǵy tabandylyǵy qýantady. Aldaǵy ýaqytta da halyqaralyq seriktestik aıasynda mundaı ıgi bastamalardy jalǵastyra beremiz, – dedi ol óz sózinde.
Ǵylym ordasy qyzmetkerleriniń kásibı jáne tulǵalyq damýyna arnalǵan tegin kýrstar aldaǵy ýaqytta da jalǵasyn tabady. Qazirgi ýaqytta parsy tili kýrsy ótýde, al jaqyn arada aǵylshyn tilinen kýrs uıymdastyrylmaq. Osyndaı bastamalar uıym qyzmetkerleriniń áleýetin arttyryp qana qoımaı, halyqaralyq ǵylymı jáne mádenı yntymaqtastyqty nyǵaıtýǵa da úlken septigin tıgizedi.
ALMATY
