Búgingi tańda sýmen qamtylǵandar:
Qalalyq halyqtyń — 99%-y,
Aýyldyq halyqtyń — 91,3%-y.
2025 jyldyń sońyna deıin qalǵan 33 aýyl men 2 qala — Arqalyq pen Tobyl — sýmen qamtylady. Nátıjesinde óńirde 100 paıyzdyq qamtý qamtamasyz etiledi.
Josparlanǵan sharalar:
- 20 aýylda (13 myń adam) ortalyqtandyrylǵan sýmen jabdyqtaý (OSJ) engiziledi,
- 13 aýylda (3 myń adam) sý taratý pýnktteri (STP) ornatylady,
- 7 eldi mekende sý tasymaldaý uıymdastyrylady.
«Halyqty taza aýyzsýmen qamtamasyz etý — bul tek ınfraqurylym máselesi emes, ómir sapasynyń negizgi kórsetkishi. Memleket basshysy tapsyrǵandaı, qalǵan aýyldar men qalalarda jumys tolyq aıaqtalady», — dep atap ótti oblystyq energetıka jáne TKSh basqarmasynda.
Bıyl oblysta 66 joba júzege asyrylýda:
- 45 — aýyldyq eldi mekenderde,
- 21 — qalalarda.
- Jobalardy iske asyrýǵa 22 mlrd teńge bólindi, onyń ishinde:
- 6,9 mlrd — Ulttyq qordan,
- 5,3 mlrd — turaqtandyrý qorynan,
- 7,6 mlrd — jergilikti bıýdjetten,
- 2,1 mlrd — respýblıkalyq bıýdjetten.
Maýsym aıynda qosymsha 9 mlrd teńge bólý josparlanǵan. Bul qarajat 14 jobaǵa baǵyttalady (onyń ishinde 13-i aýyldyq, 1-i — Tobyl qalasynda). Tıisti ótinimder QR Indýstrııa jáne qurylys mınıstrligine joldandy.
Kútiletin nátıje:
- Georgıevka, Mıhaılovka, Vostok, Konstantınovka, Lesnoe, Sverdlovka, Pervomaıskoe jáne basqa aýyldarda aýyzsý paıda bolady.
- 10 aýylda eskirgen sýmen jabdyqtaý júıeleri jańartylady.
- Alys eldi mekenderde tasymal sýdy paıdalaný máselesi sheshiledi.
Barlyq qurylys-montaj jumystary kestege saı júrgizilýde. 2025 jyldyń sońyna deıin Qostanaı oblysynyń halqy tolyq kólemde sapaly aýyzsýmen qamtamasyz etiledi.
