Qazaqstanda ulttyq sport túrlerine qyzyǵýshylyq artyp keledi: 660 myńnan astam adam júıeli túrde aınalysady.
2024 jyldyń qorytyndysy boıynsha ulttyq sport túrlerimen turaqty túrde aınalysatyn qazaqstandyqtardyń sany 660 myńnan asty. Bul — elimizde dene shynyqtyrý jáne sportpen aınalysatyndardyń jalpy sanynyń 9,6%-yn quraıdy (2023 jyly — 619,2 myń adam nemese 8,7%). Jattyqtyrýshylar quramy 1781 mamandy qamtıdy, onyń ishinde 1004-i aýyldyq jerlerde jumys isteıdi.
2018–2024 jyldar aralyǵyndaǵy dınamıka:
• 2018 — 375 926 adam
• 2019 — 399 357 adam
• 2022 — 432 457 adam
• 2023 — 619 200 adam
• 2024 — 660 000-nan astam adam
Eń tanymal sport túrleri:
• qazaqsha kúres,
• toǵyzqumalaq,
• asyq atý,
• kókpar,
• báıge,
• teńge ilý,
• jamby atý,
• aýdaryspaq,
• qusbegilik,
• dástúrli sadaq atý,
• jekpe-jek jáne basqa da túrler.
Ulttyq sport túrlerin damytý maqsatynda óńirlerde 15 balalar-jasóspirimder sport mektebi men 17 mamandandyrylǵan klýb jumys isteıdi. Qazaqstanda jyl saıyn ulttyq sport túrleri boıynsha 1000-nan astam jarys ótedi.
