Astanadaǵy oıyn-saýyq ortalyqtarynyń birinde «Jastar Rýhy» jastar qanaty jumysshy otbasylardan shyqqan balalardyń basyn qosty. Mundaǵy maqsat – balalardy ár túrli oıyn arqyly jumysshy mamandyqtarymen tanystyrý jáne qoǵamnyń ádil ári turaqty negizi retinde adal eńbekke qurmetpen qaraı bilýge úıretý. Jalpy, Halyqaralyq balalardy qorǵaý kúnine oraı, partııalastar el aýmaǵynda 23 myńnan astam balaǵa arnap 300-den astam merekelik is-shara ótkizdi.
О́z kezeginde, «AMANAT» partııasynyń Atqarýshy hatshysy Dáýlet Káribek balalarǵa qamqorlyq jasaý memleket saıasatynyń basym baǵyty ekenin jáne partııa osy saladaǵy bastamalarǵa belsendi qoldaý kórsetetinin atap ótti.
«Memleket basshysy Qasym-Jomart Toqaev elimizdegi árbir jetkinshek meıirim men qamqorlyqqa bólenip, úlkenniń qoldaýyn sezinýi, erteńgi kúnge senimmen qaraýy kerek ekenin árdaıym aıtyp keledi. Balalarǵa qamqorlyq jasaý – «AMANAT» partııasy atqaratyn aýqymdy jumystyń negizgi ári ajyramas bóligi. Ana men balaǵa laıyqty qamqorlyq, damyǵan áleýmettik ınfraqurylym, qoljetimdi baspana – otbasy ál-aýqaty men demografııalyq ósimniń eń mańyzdy ári mindetti sharty. Atap aıtqanda, Májilistegi partııa fraksııasynyń kúsh salýymen Memleket basshysynyń «Ulttyq qor – balalarǵa» baǵdarlamasy júzege asyryldy, «Keleshek» biryńǵaı erikti jınaqtaý júıesi ázirlendi, balalardyń qaýipsizdigin qamtamasyz etýge baǵyttalǵan qosymsha normalar qabyldandy, jetim balalardy qorǵaý tetikteri kúsheıtildi jáne ózge de mańyzdy sharalar qolǵa alyndy», – dedi ol.
«Jastar Rýhy» jastar qanatynyń tóraǵasy Aqerke Iskanderovanyń aıtýynsha, balalar jumysshy mamandyqtarymen ár túrli oıyn arqyly tanysady. Osylaısha, balalardyń tyń dúnıeni tanýǵa degen qyzyǵýshylyǵy oıanady.
«Oıyn arqyly balalar bilim men daǵdyny boıǵa áldeqaıda jaqsy sińiredi. Bilim berý barysy barynsha qyzyqty ári tartymdy bolýy kerek. Jumysshy mamandyqtary jyly aıasynda biz tek mektep bitirýshilermen jáne stýdenttermen ǵana emes, sonymen qatar, oqýshylarmen, ásirese bastaýysh synypta bilim alatyn balaqaılarmen jumys isteýge umtylamyz. Balalar álemge degen kirshiksiz kózqarasy arqyly ózderin túrli mamandyq ıesi retinde elestete alady. Sebebi asqaq armandardyń alǵashqy irgetasy osy bala kezde qalanady. Eresekterdiń mindeti – bala qııalyn durys arnaǵa baǵyttap, ul-qyzdarǵa tańdaý múmkindigin berý. Osylaısha, oıyn arqyly biz balalardyń boıynda jumysshy mamandyqtarǵa jáne eńbek adamyna degen qurmetti qalyptastyra alamyz», – dedi ol.
Eki balanyń ákesi, «Astana-Energııa» AQ-nyń mashınısi Erjan Ýmralınov ómirde baladan mańyzdy eshteńe joq ekenin atap ótti.
«Ulym – mektep oqýshysy, al qyzym bıyl balabaqshany támamdap, kúzde birinshi synypqa barady. Balalar belsendi túrde bilim alatyn, dástúrli qundylyqtardy boıǵa sińiretin kezeń – osy ýaqyt. Búgin balalar jumysshy mamandyqtary týraly tek estip qana qoımaı, jiti túsindi degen oıdamyn. Osy is-sharany uıymdastyrýshylarǵa aıryqsha alǵys aıtamyn. Balalar baqytty bolsa – biz, ata-analar da baqyttymyz», – dedi ol.
Merekelik is-sharaǵa qatysqan 3-synyp oqýshysy Ernazar Sátmuhambetov alǵan áserimen bólisti:
«Oınaǵan oıyndarymyz maǵan óte qatty unady. Ákemniń atqaryp jatqan jumysy asa mańyzdy ekenin túsindim. Ol barlyq jerde jaryq janyp turýy úshin jumys isteıdi. Eger ákem bolmasa, aınala qarańǵy bolar edi, teledıdar da, kompıýter de jumys istemes edi. Men de óskende paıdaly ispen aınalysqym keledi», – dedi ol.
«Jastar Rýhy» jastar qanaty Halyqaralyq balalardy qorǵaý kúnine oraı dástúrli is-sharalar uıymdastyryp, jumysshy mamandyqtarynyń el ómirinde alar ornyna, mańyzyna nazar aýdardy. Bıylǵy mereke ata-analary óndiristerde, TKSh, medısına, bilim berý jáne ózge de negizgi salalarda eńbek etetin otbasylardan shyqqan balalardy biriktirdi. «Jastar Rýhynyń» belsendileri balalarǵa anımatorlardyń qatysýymen merekelik konsert uıymdastyryp, syılyqtar men tátti taǵamdar taratty.
Halyqaralyq balalardy qorǵaý kúnine oraı partııalastar «Baqytty otbasy» jobasy aıasynda el aýmaǵynda 23 myńnan astam balaǵa arnap 300-den astam merekelik is-shara ótkizdi. Elimizdiń 20 óńirinde týrnırler, ekskýrsııalar, anımasııalyq qoıylymdar, qaıyrymdylyq aksııalar ótkizildi. Partııalastar jetimder úıindegi balalarǵa baryp, merekelik kóńil-kúı syılady. Bul – sońǵy ýaqytta jasalǵan aýqymdy jumystyń bir bóligi ǵana.
