«Ápkemen» árlengen mereıtoı

Nurlygúl О́temisqyzynyń sahnalyq ǵumyry Oral teatrymen birge jasasyp kele jatyr. О́ner ujymynyń beldi múshesi, Máde­nıet salasynyń úzdigi atanǵan sahna sheberi talaı márte halyqaralyq, respýb­lıkalyq baıqaýlardyń bas júldesin jeńip alǵan.

Memlekettik syılyqtyń laý­reaty Serdesh Qajymuratov qoıǵan «Ápke» pesasy bu­dan ondaǵan jyl buryn Oral teatrynyń sahnasynda qo­ıylyp, kórermen kóńili­nen shyqqan bolatyn. Nur­gúldiń qaıratkerlik bolmysyn, qajyrly da qaısar minezin ashatyn osy qoıylymdy mereıtoı ıesi qaıta «tiriltti». 10 jyldan keıin aktrısa «Qa­majaı» róline qaıta oralyp, kórermenmen qaýyshty. Bul kesh — teatrsúıer qaýym úshin de, sahna úshin de erekshe sátke aınaldy. Aktrısanyń júrek­ten shyqqan shynaıy oıyny kórer­menge erekshe áser syılady.

«Qoıylymdy 10–12 jyl buryn da tamashalap edim. Biraq búgin jańadan kórgendeı boldym. Aktrısa óz rólin jar­qy­ratyp oınady, naǵyz ob­raz­ǵa ený de­gendi kórsetti. Onyń oınaǵany róldegi ápke me, shy­naıy ápke me, ajyratý qıyn. Tutas qoıy­lymdy ózinen tartyp, basty róldi somdaý de­genniń ne ekenin kórsetti. Naǵyz aktrısa ekenin taǵy da moıyndatty» deıdi qoıy­lymdy kórip shyqqan Svetlana Baqysheva.

Mereıtoı aıasynda aktrısa­nyń óner joly beınelengen sha­ǵyn kórme, derekti fılm kórsetildi. Al kesh sońynda Batys Qazaq­stan oblysy áki­miniń orynbasary Qaıyrjan Meńdiǵalıev sahnaǵa shyǵyp, óner sheberine qurmet kór­setti. Oblys basshysynyń atynan quttyqtaý aıtyp, mereıtoı ıe­si­niń ıyǵyna shapan japty. Teatr qaıratkerleri odaǵy Batys Qa­zaq­stan oblystyq fılıa­lynyń tóraǵasy El­mıra Maqasheva uıym jetek­shisi, Qazaqstannyń Ha­­lyq ártisi Tuńǵyshbaı Jamanqu­lov­­tyń atynan quttyqtaý hat tapsyrdy.

Batys Qazaqstan oblysy