Bilim • 05 Maýsym, 2025

Mańǵystaýlyq oqýshy mınýtyna 17 myń sóz oqıdy

40 ret

kórsetildi

1 mın

oqý úshin

Búgin Oqý-aǵartý mınıstrliginiń baspasóz qyzmeti «100 jańa esim - 100 novyh lıs» aıdary aıasynda mańǵystaýlyq talantty oqýshyny kópshilikke tanystyrdy, dep jazady Egemen.kz.

Dana MYRZAQADIR

Mańǵystaýlyq oqýshy mınýtyna 17 myń sóz oqıdy

Foto: Oqý-aǵartý mınıstrligi

Aqtaý qalasynyń 6-synyp oqýshysy Samır Valerııdiń qabileti kópshilikti tańdandyrdy. Mınıstrliktiń málimdeýinshe, onyń oqý jyldamaǵy mınýtyna 16-17 myń sózge jetedi.

Eki jyl buryn Samır mınýtyna 90 sózden artyq oqı almaıtyn. Alaıda júıeli jattyǵýlar men ustazynyń qoldaýynyń arqasynda kórsetkishin edáýir jaqsartqan.

Aqparatty joǵary jyldamdyqpen qabyldaý Samırge sabaqta ózine senimdi bolýǵa jáne tek gýmanıtarlyq pánderde ǵana emes, naqty ǵylym pánderinde de jetistikke jetýge kómektesip jatyr. Ol qalalyq jáne aýdandyq olımpıadalardyń júldegeri, al 2023 jyly mektebinde «Jyl oqýshysy» ataǵyna ıe bolǵan.
«Samır - synyptastary arasynda uıymshyl, maqsatker jáne jaýapty oqýshy. Ol mektep ómirine belsene aralasyp, kóshbasshylyq qabiletin jáne ósýge degen umtylysyn kórsetip júr. Onyń aıtýynsha, bolashaqta el ıgiligi úshin qyzmet etip, bilim, óner jáne sport salalarynda ózin tanytqysy keledi», delingen mınıstrlik habarlamasynda.