Foto: KAZ Minerals
2024 jyly paıdalanýǵa berilgen zamanaýı bilim ordasy 1800 oqýshyǵa arnalǵan. Jobanyń jalpy quny shamamen 10 mıllıard teńgeni quraǵan. Mektep bir jyldyń ishinde salynǵan.
«Bul – adamı kapıtaldy damytýǵa baǵyttalǵan strategııamyzdaǵy mańyzdy kezeń. Biz kóp jyldan beri bilim berý salasyn qoldap kelemiz: tájirıbe almasýdan bastap qaıta daıarlaý men mektepterdi jabdyqtaýǵa deıin. Bul lıseı jalpy bilim berý deńgeıin qamtıdy», dedi KAZ Minerals Management JShS basqarma tóraǵasy Eldar Mamedov.
Mektep buryn oqý orny bolmaǵan aýdanda boı kótergen. Jańa nysan ınklıýzıvtilik qaǵıdattaryn eskerip, oqýshylarǵa barynsha qolaıly jaǵdaı jasalǵan.
«Biz tolyq jabdyqtalǵan, zamanaýı damý keńistigin qurdyq. Bul – balalardyń bolashaǵyna, jalpy aımaqtaǵy ómir sapasyna qosqan naqty úles. Osyndaı marapat alý – úlken mártebe», dedi Mamedov.
Jańa mektepte 48 oqý kabıneti, sonyń ishinde ınformatıka, mýltımedıa synyptary, zerthanalar, sheberhanalar, aspazdyq pen eńbek kabınetteri bar.
Sonymen qatar, KAZ Minerals kompanııasy «Jyldyń shahteri» jáne «Jyldyń tálimgeri» nomınasııalary boıynsha da marapattalǵan.
