Investorlardyń oblys ákimi Nuralhan Kósherovpen kezdesýinde jobany júzege asyrý sharttary talqylandy. Joba tómengi avıasııa ekonomıkasynyń jyldam damyp kele jatqan salasyna baǵyttalǵan – bıiktigi 3000 metrge deıingi ushý apparattary. Zamanaýı tehnıkalar qala ishindegi áýe tasymaly, drondar arqyly taýar jetkizý jáne jedel kómek kórsetý, sondaı-aq aýyl sharýashylyǵy men ónerkásip salalarynda qoldanylady. Aýqymdy zaýyttyń qurylysy úshin ındýstrııalyq aımaqtar men Saýran aýdany potensıaldy oryn retinde usynyldy. Bul joba óńirdegi eń tehnologııalyq óndiristerdiń biri bolýy múmkin. Zaýytta 150-ge deıin jańa jumys orny ashylyp, óńirlik ónerkásiptiń jańa baǵyttary damýy kútilýde. Oblys ákimi yntymaqtastyqqa ashyq jáne ınvestorlardy barlyq kezeńde qoldaýǵa daıyn ekenin atap ótti.
Aıta ketelik, sońǵy úsh jylda oblysta qytaı kapıtaly qatysqan 110 mıllıon dollar kólemindegi 4 ınvestısııalyq joba júzege asyryldy, taǵy 1,1 mıllıard dollardy quraıtyn 7 joba iske asyrylý satysynda.
