Osyǵan oraı, Shardara qoımasyna turaqty sý kelýin qamtamasyz etý maqsatynda, mınıstrlik kórshiles eldermen júıeli jumys júrgizip jatyr. Mejeli túrde turaqty sý jetkizýdi qamtamasyz etý maqsatynda, 30 mamyrda Qazaqstan, Tájikstan jáne О́zbekstan arasyndaǵy «Bahrı Tochık» sý qoımasynyń maýsym-tamyz aılaryndaǵy jumys rejımi boıynsha úshjaqty keste bekitilgen. Bul qujat sheńberinde Qazaqstanǵa vegetasııalyq kezeńde Dostyq kanaly arqyly keminde 491 mln tekshe metr sý jetkiziledi dep josparlanyp otyr.
2 maýsymdaǵy jaǵdaı boıynsha Aral-Syrdarııa basseınindegi sý qoımalarynyń ortasha tolymdylyǵy – 66% nemese 3,6 mlrd tekshe metr. Osyǵan baılanysty mınıstrlik Túrkistan jáne Qyzylorda oblystarynda táýekelder saqtalýda ekenin habarlady. Atap aıtqanda, 1 sáýirdegi jaǵdaı boıynsha Bógen sý qoımasyna 357 mln tekshe metr sý jınalǵan. Bul ótken jylǵy kórsetkishpen shamalas bolǵanymen, búginde qoımadaǵy sý kólemi 229 mln tekshe metrge deıin tómendedi. Bul jaǵdaı vegetasııalyq kezeńniń bastapqy satysynda sý alýdyń qarqyndy júrýimen tikeleı baılanysty.
Qazgıdromettiń málimeti boıynsha, aldaǵy vegetasııa maýsymy elimizdiń ońtústik jáne batys óńirlerinde jaýyn-shashyn tapshylyǵy jaǵdaıynda ótedi. Osyǵan baılanysty, aýyl sharýashylyǵy taýar óndirýshileri sý únemdeý tehnologııalaryn, túngi jáne kezektesip sýarýdy qoldaný qajet.
Aıta ketelik, jýyrda Shardara aýdanyndaǵy «Nur-delux» jaǵajaıynda shomylý maýsymynyń ashylýy ótti. Merekelik shara aıasynda jaǵajaı aýmaǵynda túrli sporttyq jarystar – voleıbol, fýtbol, arqan tartý, qoshqar kóterý jáne gir tas kóterý boıynsha básekeler, sondaı-aq otbasylyq «Tolaǵaı» saıystary ótkizildi. Sonymen qatar aýdandyq kórkemónerpazdar konserttik baǵdarlamasyn usynyp, qatysýshylarǵa kóterińki kóńil-kúı syılady.
