Ekspozısııaǵa keskindeme, grafıka jáne músinniń 50-ge jýyq týyndysy engen. Bul eńbekterdi Qytaıdyń HH-HHI ǵasyrdaǵy belgili sýretshileri jazǵan, olar Sıeıı óneriniń dástúrin jalǵap keledi. Sheberler ózderiniń shyǵarmashylyǵynda stıl, tehnıka jáne materıaldardyń erekshelikteri arqyly tek syrtqy beıneni ǵana emes, sonymen qatar onyń ishki rýhanı mánin de ashady.
Qytaıdyń tanymal zamanaýı músinshileriniń biri — Ý Veıshan. Ol álemge sýretshi ári qoǵam qaıratkeri retinde keńinen tanymal. Kórmege músinshiniń Lao Szy, Sı Baı Shı sekildi Qytaı tarıhyndaǵy iri tulǵalardyń músini qoıyldy. Qoladan jasalǵan bul týyndylarda avtor keıipkerdiń minezin qozǵalmaly forma, bettiń qurylymyn erekshe bederleý jáne kallıgrafııany eske salatyn erekshe stıl arqyly kórsetken.
Aıta keteıik, 2018 jyly Ábilhan Qasteev atyndaǵy Qazaqstan Respýblıkasynyń Memlekettik óner mýzeıi Jibek joly mýzeıleri men galereıalary Halyqaralyq alıansynyń quramyna kirdi.
«Qytaı óneriniń oı-maqsattary – Qytaı Ulttyq kórkemóner mýzeıiniń jaýharlary» kórme jobasy – ulttyq ónerdi nasıhattaýǵa arnalǵan mańyzdy mádenı almasý baǵdarlamalarynyń bir bóligi. Beıjińdegi jetekshi óner mýzeıi usynǵan kórme qytaı óneriniń jaýharymen tanysýǵa tamasha múmkindik beredi.
Kórme 2025 jyldyń 3 tamyzyna deıin jalǵasady.
