Inklıýzıvti sport ortalyǵynyń qurylysy bıyl kóktemde bastaldy. Bolashaqta munda parasportshylar jattyǵý jasap, jarystarǵa daıyndalady. Sondaı-aq ońaltýdan da ótedi. Kásibı jattyqtyrýshylar qyzmeti men arnaıy jabdyqtalǵan aýqymdy zaldardyń múmkindigi zor. Sonyń ishinde fýtbol men basketboldy arbamen oınaýǵa, ústel tennısi men golboldy, voleıboldy otyryp oınaýǵa, bochchaǵa arnalǵan zaldar bar. Sondaı-aq ortalyqta múgedektigi bar balalar men eresekterge arnalǵan dene shynyqtyrý, sport, ońaltý qyzmetteri kórsetiledi.
Ádiletti Qazaqstan tujyrymdamasynyń basym baǵyty – ınklıýzıvti qoǵam qurý jáne múgedektigi bar azamattarǵa teń múmkindik jasaý. Bul rette M.Áshimbaev Prezıdent ınklıýzıvti tásilderdi iske asyrýǵa basa nazar aýdaryp otyrǵanyn atap ótti. Elimizde júrgizilip jatqan jańarýlardyń negizi – ádilettilik qaǵıdatyna ınklıýzıvti qoǵam qurmaı qol jetkizý múmkin emes.
