Tıisti sheshimdi Qarjy naryǵyn retteý jáne damytý agenttigi men Ulttyq bank qabyldady.
Syıaqy mólsherlemesin tómendetý týraly norma 2025 jyldyń sáýir jáne mamyr aılarynda qol qoıylǵan eki vedomstvonyń birlesken qaýlysynda bekitildi. Bul qujat 2024 jyldyń tamyzynan bastap kúshinde bolǵan burynǵy qaýlyǵa ózgerister engizedi.
Jyldyq tıimdi syıaqy mólsherlemesi (JTSM) — bul nesıeniń barlyq komıssııalar men tólemderdi eskere otyryp esepteletin naqty quny. Joǵarǵy shekti mólsherlemeniń belgilenýi bankterge ıpotekalyq nesıelerdi osy mólsherlemeden joǵary paıyzben berýge tyıym salady.
Mańyzdysy, bul shekteýler tek jańa sharttar jasalǵan kezde ǵana emes, buǵan deıin berilgen nesıeler boıynsha mólsherlemeler ózgergende nemese jańa komıssııalar engizilgende de qoldanylady.
Ádilet mınıstrliginde tirkeýden ótken soń qujat «Ádilet» bazasyna engiziledi. Alaıda ony qazirdiń ózinde Qarjy naryǵyn retteý jáne damytý agenttiginiń resmı saıtynan kórýge bolady.
Buǵan deıin Ulttyq bank ókilderi ıpotekanyń 10, 15, 20 jylǵa 11-12 paıyzben berilýiniń ózi qazaqstandyqtar úshin aýyr júk ekenin aıtqan bolatyn.
