Foto: Úkimettiń baspasóz qyzmeti
Úkimettiń baspasóz qyzmetiniń habarlaýynsha, Arnasaı aýylyndaǵy jańa dárigerlik ambýlatorııa 2 myńnan astam adamǵa qyzmet kórsetedi.
«Bul mekeme Eltoq, Qoıgeldi, Babataı stansalary men 42-razezdiń turǵyndary úshin alǵashqy medısınalyq kómekti jaqyndatyp, qoljetimdi etedi. 450 sharshy metrlik ǵımarat bir aýysymda 45 adamdy qabyldaı alady. Munda EKG apparaty, defıbrıllıatorlar, fızıoterapııa jáne ońaltý jabdyqtary sııaqty zamanaýı medısınalyq qurylǵylar ornatylǵan», delingen habarlamada.
Al Altyndy aýylynda ashylǵan feldsherlik-akýsherlik pýnkt Altyndy, Alakól, Jańatalap, Eltaı jáne Boıarka aýyldarynyń 1 myńǵa jýyq turǵynyna sapaly medısınalyq qyzmet kórsetedi. Bul nysan da tolyqtaı zamanaýı qural-jabdyqtarmen qamtamasyz etilgen.
Jańa nysandardyń ashylý saltanatyna QR Bas prokýrorynyń orynbasary Ǵalymjan Qoıgeldıev pen Aqmola oblysynyń ákimi Marat Ahmetjanov qatysqan.
Aıta keteıik, búginde óńirde taǵy segiz densaýlyq saqtaý nysany – úsh dárigerlik ambýlatorııa, tórt feldsherlik-akýsherlik jáne bir medısınalyq pýnkt qurylysy aıaqtalýǵa jaqyn. Bul jobalarǵa jalpy somasy shamamen 1,7 mlrd teńge kóleminde qarjy bólingen.
