«Evrazııa Invest LTD» JShS quryltaıshysy Ivan Georgıadı jobanyń kezeń-kezeńimen iske asyrylatynyn, birinshi kezek bıyl iske qosylatynyn aıtady.
– Golshtın-frız tuqymdy sıyrlardyń birinshi partııasy satyp alyndy. Jem-shóp bazasy menshikti bolady. Bıylǵy maýsymda myń gektarǵa jýyq júgeri men jońyshqa egildi. Aýyl sharýashylyǵynda biz úshinshi jyl jumys istep kelemiz. Birinshi jyly tanysý boldy. Tehnıka satyp aldyq, bizde jabdyqtarymyz eń zamanaýı. Ekinshi jyly sýarýmen aınalysa bastadyq. Jeńildikti nesıelendirýge ótinimmen shyqtyq. Bizdi qoldady. El men oblys basshylyǵyna qoldaý kórsetkeni úshin alǵys aıtqym keledi, – deıdi Ivan Georgıadı.
Kásiporyn sýarmaly jerleriniń aýmaǵyn 10 myń gektarǵa deıin ulǵaıtady. Joba boıynsha 120 jańbyrlatyp sýaratyn mashına ornatylady. Bul ónimdilikti arttyrýǵa múmkindik beredi. Budan basqa, 12 myń tonnaǵa arnalǵan kókónis qoımasy salynady.
Qaraǵandy oblysy
