Endi eki alpaýyttyń arasynda soǵys órti tutanýy múmkin dep jatyr álemdik BAQ-tar. Iske Izraıl aralasýy múmkin. Qazirdiń ózinde Izraıl Iranǵa áskerı soqqy jasaýy múmkin degen aqparattar keńistikte kóbeıe tústi. Bul rasqa aınalýy ábden múmkin..
AQSh Memdepartamenti Irak, Bahreın jáne Kýveıttegi elshilikterden qyzmetkerlerdiń ketýin uıymdastyrýǵa tapsyrma bergen. AQSh Qorǵanys mınıstri Pıt Hegset bul elderden áskerı qyzmetkerlerdiń otbasy óz erikterimen ketýi tıis dep esepteıdi.
Sársenbi kúni Kennedı ortalyǵynda sóz sóılegen AQSh Prezıdenti Donald Tramp «amerıkalyqtar bul óńirlerden ketýi tıis, óıtkeni bul qaýipti oryn bolýy múmkin, ne bolatynyn kóremiz» dep pikir bildirdi.
Osyndaı geosaıası qysym jaǵdaıynda Brent markaly munaı baǵasy 4,3 paıyzǵa qymbattaǵan. Sóıtip, 69,8 dollarǵa jetti. Bul árıne, biz úshin tıimdi.
Qazaqstannyń bıýdjeti munaıdan túsetin tabysqa tikeleı táýeldi. Biraq biz úshin álemdegi ahýaldyń ońtaıly bolǵany da tıimdi. Onyń ústine, Qazaqstan sońǵy kezderi Iranmen dıplomatııalyq, saýda qatynastaryn da kúsheıtýge umtylyp jatyr.
Dılnaz Dúkenbaı,
L.N.Gýmılev atyndaǵy Eýrazııa ulttyq ýnıversıtetiniń stýdenti
