Densaýlyq saqtaý salasynyń 68 ókili «Barys», «Parasat», «Dostyq», «Qurmet» ordenderimen, sondaı-aq «Eren eńbegi úshin», «Shapaǵat» medaldarymen marapattaldy.
«Qazaqstannyń eńbek sińirgen dárigeri» qurmetti ataǵyn el aldyndaǵy erekshe eńbegi úshin bıyl 8 dáriger ıelendi.
2024 jyly Prezıdent Qasym-Jomart Kemeluly Toqaevtyń bastamasymen dárigerlerdi keshendi — zańdy, qarjylyq jáne kásibı qorǵaýǵa baǵyttalǵan zań qabyldandy.
О́tken jyldan bastap Memleket basshysy «Qazaqstannyń eńbek sińirgen dárigeri» qurmetti ataǵyn taǵaıyndady, ol dárigerlerge degen erekshe qurmet sımvolyna aınaldy.
Búgin medısına qyzmetkerlerin saltanatty marapattaý rásiminde sóılegen sózinde Prezıdent sońǵy bes jylda densaýlyq saqtaý salasyndaǵy jalaqy eki esege jýyq óskenin atap ótti. Beıindi ýnıversıtetter men kolledjderde stıpendııalar ulǵaıdy. Sondaı-aq bilikti dárigerlerde tálimgerlikti uıymdastyrý jáne jas mamandardy odan ári beıimdeý úshin barlyq qajetti jaǵdaılar jasalyp jatyr.
Bıylǵy jyly «Qazaqstannyń eńbek sińirgen dárigeri» qurmetti ataǵyna 8 dáriger ıe boldy, onyń ishinde: Tursyngúl Kóbjasarqyzy Botabekova, «Qazaqstandyq oftalmologtar qoǵamy» RQB prezıdenti, Orynbaı Daıyrbekuly Daıyrbekov, «Qazaq onkologııa jáne radıologııa ǵylymı-zertteý ınstıtýty» AQ Dırektorlar keńesiniń múshesi, Jaqsylyq Aqmyrzaıuly Dosqalıev, eńbek ardageri, Azamat Belgibaıuly Maǵzumov, Soltústik Qazaqstan oblysy ákimdigi densaýlyq saqtaý basqarmasynyń «Kópbeıindi oblystyq aýrýhana» KMK terapevt dárigeri, Sergeı Lvovıch Novıchevskıı,
Pavlodar oblysy Densaýlyq saqtaý basqarmasynyń «№ 1 Pavlodar oblystyq perınataldyq ortalyǵy» KMK bólimshe meńgerýshisi , Jekshembaı Nsanov, Atyraý oblysynyń eńbek ardageri, Aıslý Saǵadatqyzy Nurmaǵambetova, «MedLineServıs» medısınalyq ortalyǵynyń otorınolarıngolog dárigeri, Asylbek Toqmyrzaıuly Togızbaev, «Dertke daýa» JShS klınıkasynyń dırektory.
Búgingi tańda respýblıkanyń densaýlyq saqtaý júıesinde 280 myńnan astam medısına qyzmetkeri, onyń ishinde 80 myńnan astam dáriger men 190 myń meıirger jumys isteıdi.
