Habarlamaǵa sáıkes, Iran, Izraıl, Sırııa, Irak, Iordanııa jáne Lıvan elderiniń aýmaǵynda, sondaı-aq osy memleketterdiń áýe keńistiginde jáne oǵan jaqyn aımaqtarda áýe qozǵalysyna tolyq tyıym salynǵan.
«Bul shekteý arnaıy buıryq shyqqanǵa deıin kúshinde bolady. Vedomstvonyń nusqaýy otandyq áýe tasymaldaýshylardyń barlyq túrdegi reısterine – turaqty, turaqsyz jolaýshylar tasymalyna, júk jáne tehnıkalyq ushýlarǵa da qatysty», – delingen komıtet habarlamasynda.
Osyǵan baılanysty mınıstrlik azamattar men týrısterge saqtyq tanytyp, josparlanǵan saparlarǵa, ásirese Birikken Arab Ámirlikteri men Parsy shyǵanaǵy elderine barýǵa baılanysty sheshimdi muqııat oılastyrýdy usynady.
Qazaqstannyń Avıasııalyq ákimshiliginiń avıasııalyq qaýipsizdik departamenti óńirdegi ahýal ózgergen jaǵdaıda qosymsha aqparat jarııalaıdy.
Sondaı-aq QR Týrızm jáne sport mınıstrligi jaǵdaıdy jiti baqylaýda ustap otyr. Mınıstrlik jaýapty memlekettik organdarmen, dıplomatııalyq ókildiktermen jáne týroperatorlarmen turaqty baılanys ornatqan. Qajet bolǵan jaǵdaıda, Týrıstik Qamqor júıesi men áýe kompanııalarymen birlese otyryp, shetelde júrgen qazaqstandyq týrısterdi elge qaıtarý sharalary qabyldanatyny atap ótildi.
