Jańa nysandardyń 178-i buǵan deıin medısınalyq mekemeleri bolmaǵan aýyldarda salynsa, qalǵan 301-i eskirgen jáne beıimdelgen ǵımarattardyń ornyna boı kótergen.
Vıse-mınıstrdiń aıtýynsha, 2025 jyldyń sońyna deıin taǵy 176 MSAK nysanynyń qurylysy aıaqtalady dep josparlanǵan.
Jobany tıimdi ári jedel júzege asyrý úshin elimizdegi 5 klımattyq jáne seısmıkalyq aımaqty eskere otyryp, tıptik (etalondyq) jobalar ázirlendi. Mundaı tásil jobalaý ýaqytyn qysqartyp, qurylysqa bólingen bıýdjetten 16,5 mlrd teńgege jýyq qarajatty únemdeýge múmkindik bergen. Buǵan qosa, ulttyq operator ázirlegen standartty jobalardy qoldaný arqyly qurylys sapasy men tıimdiligi artty.
Eń bastysy, etalondyq jobalar aıasynda qoldanylǵan qurylys materıaldary men jabdyqtardyń 80%-dan astamy — otandyq taýar óndirýshilerdiń ónimderi.
