Sýret: astanatv.kz
«Ortalyq Azııa – Qytaı» sammıti memleket basshylarynyń bastamalaryn júzege asyrýǵa, aımaqtaǵy turaqtylyqty saqtaýǵa, memleketter arasyndaǵy saıası-ekonomıkalyq yqpaldastyqty damytýǵa negiz bolary sózsiz. Qazaqstan úshin bul kezdesýler el bedelin arttyryp qana qoımaı, elimizdiń ilgeri damýyna jol ashady. Yrysymyzdy eseleıtin, yqpaldastyqty kúsheıtetin osyndaı salmaqty kezdesýler arqyly elimizdiń aımaqtaǵy, sondaı-aq álemdegi bedeli arta túsetini anyq.
Sı Szınpınniń Qazaqstanǵa jasaǵan sapary eki memleket arasyndaǵy erekshe senim belgisi boldy. Keıingi jyldary Astana aımaqta bastamashyl alańǵa aınaldy. Bul rette «Ortalyq Azııa – 2040» tujyrymdamasynyń bereri kóp.
2024 jyldyń birinshi jartysynda Qytaı ózge memleketterge tikeleı 58,6 mlrd dollar ınvestısııa quıdy, sonyń teń jartysyna jýyǵy (47%) Ortalyq Azııa memleketterine baǵyttalyp otyr. Máselen, Qazaqstan (10,4 mlrd), Túrikmenstan (9,5 mlrd) jáne О́zbekstan (4,3 mlrd) dollar ınvestısııa alyp, áriptester qataryna qosylǵan. Sondaı-aq Qytaı memleketi óndiris jáne energetıkaǵa basymdyq beredi. Energetıkadaǵy ınvestısııasyn eki esege arttyryp (4,1 mlrd), óndiristegi kórsetkishin 8 paıyzǵa (11,8 mlrd) jetkizýi – sonyń aıǵaǵy.
Sondyqtan da «Ortalyq Azııa – Qytaı» sammıtine aımaqtaǵy turaqtylyq pen damýdyń irgetasyn qalaıtyn jıyn retinde úmitpen qaraımyz. Bul oraıda Qazaqstannyń bastamashyl memleket retinde bedeliniń artýy otandastarymyzdy qýantady dep oılaımyz. Aımaqtyń aýyzbirligin nyǵaıtatyn qadamdardyń ońynan bolýyna tilekshimiz.
Elnur BEISENBAEV,
Májilis depýtaty
