Qurylys ótken jyly bastalǵan edi. Zamanaýı joǵary kerneýli jabdyqtar ornatylǵan qosalqy stansada qýatty eki transformator, kerneýi 110 kılovolttyq, uzyndyǵy 300 metrlik 6 tizbekti áýe jelisi, 4 ankerli tirek, 5 kólik sııatyn avtoturaǵy bar jóndeý bazasy, ákimshilik-turmystyq korpýs salyndy.
– Jobaǵa otandyq «Alageum Electric» kompanııasynyń joǵary voltty jabdyqtary paıdalanyldy. Nysan tolyqtaı iske qosylǵan soń, bul jerde «Batys Qazaqstan aımaqtyq elektr jelilik kompanııasy» mamandary turaqty túrde qyzmet etedi. Qurylysty sapaly oryndap shyqqan merdiger uıym qyzmetkerlerine alǵys aıtamyn. Bul joba – óńirimizdiń ınfraqurylymdyq damýyna serpin berip, turǵyndardyń turmys sapasyn jaqsartýǵa aıtarlyqtaı úles qosady, – dedi nysannyń ashylý saltanatyna arnaıy kelgen Batys Qazaqstan oblysynyń ákimi Narıman Tóreǵalıev.
Jańa stansa qala irgesindegi óndiristik aımaqtardy elektrmen qamtý isin de senimdi ete tústi. Jobaǵa respýblıka qazynasynan 3,2 mlrd teńge, jergilikti bıýdjetten 190 mln teńge qarajat bólingen.
Batys Qazaqstan oblysy
