Fotolar: Aqorda
Kásiporyn kýpe, plaskart jáne qozǵalysy qıyn jolaýshylar úshin arnaýly vagondar shyǵarady. Bıyl 51 vagondy, al 2030 jylǵa deıin 557 jańa vagondy paıdalanýǵa berý josparlanǵan. Bul ulttyq tasymaldaýshynyń vagon parkin tolyǵymen jańartýyna múmkindik beredi. О́ndiristi lokalızasııalaýǵa otandyq kásiporyndar tartylǵan.
Prezıdent temir jol salasynyń jumysshylarymen áńgimelesti.
Qasym-Jomart Toqaevqa temir jol qatynasy júıesin jańǵyrtý barysy jóninde esep berildi. Búkil el boıynsha 125 vokzalǵa jóndeý jumystary júrgizilýde. Halyqaralyq seriktestermen birlesip, jolaýshy tasymaldaý júıesindegi qyzmet kórsetý sapasyn arttyrýǵa jáne óńirlerdegi kólik baılanysyn jaqsartýǵa baǵyttalǵan sheshimder engizilip jatyr.
Atap aıtqanda, otandyq IT kompanııalar jolaýshylarǵa arnalǵan biryńǵaı sıfrly platforma ázirledi. Bul bılet satyp alýdan bastap týrıstik qyzmet kórsetýge deıingi kóptegen fýnksııany biriktiredi. Sondaı-aq poıyzdar spýtnıktik ınternetke qosylady. Qaýipsizdikti kúsheıtý maqsatynda vıdeotirkeýler, mobıldi termınaldar, jasandy ıntellekt tehnologııasy negizinde málimetterdi taldaýǵa qabiletti 4 myń kamera paıdalanylady.
