Shahardyń kórikti aýmaǵy – Abaı saıabaǵynda ornalasqan birqatar zańsyz qurylys nysandaryna qatysty da dál osy sekildi sot otyrystary ótti. Bul joly da qala ákimdigi tıisti talap aryzdar berip, zań aıasynda sharalar qabyldanýyn suraǵan.
Talap aryzǵa saı Shymkent qalasynyń mamandandyrylǵan aýdanaralyq ekonomıkalyq soty 2024 jylǵy 29 qarashada «Saıat» óndiristik kooperatıviniń «SOHO» kafesin óz esebinen buzý týraly sheshim shyǵarady. 2025 jylǵy 12 aqpanda Shymkent qalalyq soty da bul sheshimdi ózgerissiz qaldyrady. Endi bıyl mamyr aıynda qalalyq ákimdik pen kásipker sotta tatýlasyp, dámhanany memleket menshigine ótkizý týraly uıǵarym shyǵarylady.
Abaı saıabaǵy aýmaǵynda ornalasqan «INGOLSTAD» kafesine qatysty da sot sheshim qabyldady. 2024 jylǵy 18 jeltoqsanda Shymkent qalasynyń mamandandyrylǵan aýdanaralyq ekonomıkalyq soty dámhanany jaýapkerdiń esebinen májbúrlep buzý týraly talapty qanaǵattandyrǵan bolatyn. Bul sheshim bıyl naýryzda apellıasııalyq satyda qaralyp, ózgerissiz qaldyryldy. Ári sot alqasy taraptardyń medıasııa tártibimen tatýlasý kelisimin maquldamady. Qazirgi tańda atalǵan iske baılanysty tatýlasý kelisimin bekitý týraly ótinish Shymkent qalasynyń mamandandyrylǵan aýdanaralyq ekonomıkalyq sotyna qaıta joldanyp, is qaralý ústinde.
Al, «Kolızeı» kafesine qatysty Shymkent qalasynyń mamandandyrylǵan aýdanaralyq ekonomıkalyq soty 2025 jylǵy 24 sáýirdegi sheshimimen memlekettik organǵ ıaǵnı qalalyq ákimdiktiń talap aryzyn qanaǵattandyrmady. Bul sheshimge qarsy ákimdik tarapynan apellıasııalyq shaǵym berilip, qazirgi ýaqytta is sotta qaralyp jatyr.
О́z kezeginde jaýapty sala ókilderi atalǵan sot isteri qala aýmaǵyndaǵy zańsyz qurylystardy joıý, qala kelbetin saqtaý men jer zańnamasyn buzýǵa jol bermeý maqsatynda júrgizilip jatqan jumystar ekenin jetkizdi.
Shymkent
