28 maýsymnan bastap Atyraýdan Dýbaıǵa qatynaıtyn áýe reısi ushý ýaqytynyń uzarýyna baılanysty ýaqytsha toqtatylady. Al Astana men Almatydan Dýbaıǵa ushatyn reıster Iran men Irak áýe keńistigin aınalyp ótetin baǵyt arqyly oryndala beredi.
Kompanııanyń málimetinshe, ýaqytsha toqtatylǵan reısterge bılet alǵan jolaýshylarǵa Atyraýdan basqa baǵyttarǵa nemese Astana men Almatydan Dýbaıǵa tegin qaıta brondaý, sondaı-aq áýe bıletteriniń tolyq aqshasyn qaıtaryp alý usynylady.
Aıta keteıik, 13 maýsymda Qazaqstan bıligi Taıaý Shyǵys mańyndaǵy alty eldiń áýe keńistiginde ushýǵa tyıym salǵan bolatyn. Degenmen, 16 maýsymda Syrtqy ister mınıstrliginiń ókili bul eskertýlerge qaramastan, týrıstermen toltyrylǵan ushaqtardyń Birikken Arab Ámirlikterine ushyp jatqanyn málimdedi.
19 maýsymda Wizz Air Abu Dhabi áýe kompanııasy Taıaý Shyǵystaǵy shıeleniske baılanysty Astana – Abý-Dabı baǵytyndaǵy reısterdi ýaqytsha toqtatqanyn habarlady.
Eske sala keteıik, 13 maýsymǵa qaraǵan túni Izraıldiń Iran aýmaǵyndaǵy nysandarǵa soqqy berýi Taıaý Shyǵystaǵy ahýaldyń kúrt shıelenisýine sebep boldy.
