Aýyr tehnıkanyń isten shyqqanyn qalypqa keltirýde shapshańdyq pen sheberlik júrgizýshi men jóndeýshige úlken syn. Tehnıkany jyldam ári sapaly jóndep qatarǵa qosý birshama jaýapkershilikti qajet etedi. Qaýipsizdik qaǵıdasyn qaperden shyǵarýǵa taǵy bolmaıdy. Temirjolshy osy istiń oraıyn ońtaıly tapqandaı. Ol oılap tapqan aýyr júk kóliginiń dóńgelegine arnalǵan baspaldaq – mamandardyń aıtýynsha, jumys ónimdiligin arttyrýdaǵy tapqyr sheshimniń biri retinde baǵalandy.
«KamAz» kóliginiń júris bóligi men qoraby da, tipti qozǵaltqyshy da júrgizýshi kabınasynyń astynda ornalasqan. Ony ońdap, jóndeý nemese maı, sýyn tekserip kútip-baptaý úshin álgi kabınany kóterip, adam astyna kirýi qajet. Bul áreket qaýipti ekeni málim. Odan bólek aldyńǵy dóńgelektiń ústi arqyly ramanyń ortasynda ornalasqan qozǵaltqyshqa qol jetkizý kóp qolaısyzdyq týyndatady. Ol azdaı nusqaýlyq boıynsha «KamAz»-dy kútip-baptaý men jóndep, ońdaý jumystaryna kemi 2 adam qatysýy kerek.
«Shymkent matıstraldyq jeli dıreksııasy bastyǵynyń birinshi orynbasary Jomart Myrzabekov bastaǵan bir top jigitter ózara oılasyp, keńese kele dóńgelekke arnalǵan basqysh-baspaldaq jasap shyǵarǵan. Ústine eki adam shyqqanda ıile qoımaıtyn metall konstrýksııadan jasalǵan basqyshty tik turǵan dóńgelektiń tóbesine kıgize qoıǵanda baspaldaqtan aýmaıdy. Al ony qoldaný kezindegi qolaılylyq traektorııasy men tıimdiligi óz aldyna áńgime. Tipti, ekinshi mamanǵa da qajettilik týyndamaı, bir adamnyń ózi alyp júk kóligin jóndep-túzeýdi op-ońaı jalǵastyra beredi. Iаǵnı, kabına kóterilip, bıiktigi 125 santımetrdi quraıtyn dóńgelekke kıgizilgen basqyshqa adam shyqqanda kólik qozǵaltqyshynyń bultarys-qaltarysyna deıin qolyń ońaı jetetin qolaılylyq týyndaıdy. Budan jóndeýshiniń jumys ónimdiligi artady. Sonymen qatar, yńǵaısyz jaǵdaıda eńkeıip, ıilýden qorǵap, jóndeýshiniń beline fızıkalyq kúsh túsýden saqtaıdy. О́z kezeginde bul júrgizýshini sharshatpaı, uzaǵyraq ónimdi eńbek etýge múmkindik beredi», dep jazdy «Qazaqstan temirjolshysy» gazetiniń tilshisi Nurlybek Dosybaı.
Jalpy, joba týraly birshama ýaqyt aıtylǵanymen, kásiporynda qoldanysqa mamyr aıynan bastap engizilgen. Onyń sebebi, jobanyń sáýir aıynda Jol jáne qurylys departamentindegi tehnıkalyq keńes músheleriniń talqylaýynan ótip, oń baǵasyn alýmen tikeleı baılanysty kórinedi. Osylaısha, rasıonalızator usynysy oń qorytyndy alyp, avtorǵa qarjylaı syıaqy bólingen jáne PCh-54 mekemesinde sátti júzege asyrylǵan.
