Birinshi kúni komandalar úshin «Aıbyn daryny» zııatkerlik oıyny, pnevmatıkalyq myltyqtan atý, «Smart sarbaz» tehnologııalyq baıqaýy jáne Kalashnıkov avtomatyn tolyq bólshekteý jáne qurastyrý sekildi tórt baıqaý qarastyrylǵan.
– «Aıbyn» halyqaralyq áskerı-patrıottyq jıynynyń barlyq konkýrstary qatysýshylarǵa qıyn ári qyzyqty bolatyndaı etip jasaldy. Komandalyq jarystar joldastyq sezimdi damytady, ıntellektýaldy-oılaýǵa jáne kúrdeli máselelerdi sheshýge májbúr etedi. Sport – erik-jigerdi qataıtýǵa kómektesedi. Biz, uıymdastyrýshy retinde jarys sońynda qatysýshylar jańa daǵdylarǵa, jańa bilimge jáne, árıne, jańa dostarǵa ıe bolatynyna senimdimiz, - dep atap ótti «Jas sarbaz» áskerı-patrıottyq qozǵalysynyń tóraǵasy maıor Meıirbek Meńdiǵalıev.
«Aıbyn daryny» kvız-oıyny jańa jastar hobbıi formatynda ótkiziledi. Baıqaýǵa logıka, tarıhty bilý, medısına negizderi jáne jalpy erýdısııa máseleleri kiredi. Qatysýshylar durys jáne jyldam jaýap berip, reıtıngtik upaılar jınaýy kerek.
Pnevmatıkalyq myltyqtan atýǵa 5 adamnan turatyn komandalar qatysady. Maqsat – nysanaǵa 10 metr qashyqtyqtan dóp tııý. Oryndar upaı sanyna qaraı bólinedi.
«Smart sarbaz» ónertapqyshtyq-tehnologııalyq baıqaýyna jıynǵa qatysýshylar jasaǵan robototehnıka salasyndaǵy ázirlemeler qatysady. Bul jaýyngerlik jaǵdaılarda adamdy almastyratyn robottar men robottyq qurylǵylardyń modelderi. Bul baıqaý balalardy ózine degen senimdilikti, synı oılaýdy jáne komandada jumys isteý qabiletin damyta otyryp, eksperıment jasaýǵa beıimdeıdi.
«Aıbyn-2025» halyqaralyq áskerı-patrıottyq jastar jıyny Aqtóbe oblysynda 23-28 maýsym aralyǵynda ótedi. Is-shara Uly Jeńistiń 80 jyldyǵy men Keńes Odaǵynyń Batyry Álııa Moldaǵulovanyń 100 jyldyǵyna arnalǵan.
Jıyn 11-shi ret ótkizilip otyr jáne osy ýaqyt ishinde oǵan 10 myńnan astam balalar men jasóspirimder qatysty.
