Baılanys operatory men Shyǵys Qazaqstan oblysy ákimdiginiń birlesken jumysynyń nátıjesinde atalǵan eldi mekende «Kar-Tel» operatorynyń jelisi jumys istep tur. Jobanyń negizgi maqsaty – aýyl turǵyndaryn sapaly mobıldi baılanyspen jáne joǵary jyldamdyqty ınternetpen qamtamasyz etý. Bul bastama sıfrlyq teńsizdikti azaıtý jáne shalǵaı aýyldyq óńir turǵyndary úshin zamanaýı telekommýnıkasııalyq qyzmetterdiń qoljetimdiligin arttyrý jolyndaǵy mańyzdy qadam.
«Bul aýylda 70 jyldan beri turyp kelemiz. Buryn baılanys bolmady. Ol zamanda jaı ǵana úı telefondary boldy. Al uıaly baılanys degen múlde qoljetimsiz edi. Qazir zaman damydy, jańa tehnologııalar aýylǵa da jetti. Endi alystaǵy týǵan-týystarymyzben emin-erkin sóılesip otyramyz. Burynǵydaı qınalmaı, kez kelgen ýaqytta habarlasa alatynymyzǵa qýanyshtymyz» desedi aýyl turǵyndary.
Aqaraldaǵy jańa baılanys tek tehnologııa jetistigi ǵana emes, aýyldyń tynysyn keńeıtken, adam men adamdy jaqyndastyrǵan ıgilikti qadam. Bul ásirese, bolashaqqa úmitpen qaraıtyn jastarǵa, kásip izdegen eńbekkerlerge jáne kún saıyn halyqpen jumys isteıtin ustazdar men dárigerlerge úlken demeý.
Shyǵys Qazaqstan oblysy,
Zaısan aýdany
