Atap aıtqanda, ınvestısııalyq quny 20,7 mlrd teńgelik, 2000 jumys orny qurylatyn «Global Textile Turkistan» JShS-nyń maqta talshyǵyn, sur jáne boıalǵan mata, trıkotaj óndirisin, «TST Jetisay Textile» JShS ıirý, toqý jáne tigin fabrıkalaryn (ınvestısııa – shamamen 41,5 mln AQSh dollary, 250 jumys orny) 2025 – 2027 jyldary iske qosý josparlanyp otyr.
«Kazakhstan LIHUA» JShS-y maqtany ósirýden bastap daıyn ónim shyǵarýǵa deıingi tolyq sıkldy jobany iske asyrýdy kózdep otyr, onyń sheńberinde 2000-nan astam jumys ornyn qurylmaq.
Úkimet basshysy Oljas Bektenovtiń senatorlar saýalyna bergen jaýabyna súıensek, salany odan ári damytý úshin klasterlik tásildi jáne tehnologııalyq jańǵyrtý sharalaryn kúsheıte otyryp, jańa toqyma ónerkásibin damytý jónindegi 2026 – 2030 jyldarǵa arnalǵan jol kartasyn ázirleý kózdelýde.
«Maqta salasynyń tıimdiligin arttyrý maqsatynda «Seleksııa jáne tuqym sharýashylyǵyn damytý jónindegi 2024–2028 jyldarǵa arnalǵan keshendi jospar» aıasynda seleksııalyq baǵdarlamalardy qarjylandyrýdy 1,5-ten 7,5 mlrd teńgege deıin ulǵaıtý, 9 ǵylymı-tehnıkalyq jobany iske asyrý, onyń ishinde maqta seleksııasyn jáne bastapqy tuqym sharýashylyǵyn, jabdyqty jańartý jáne sheteldik uıymdardy tarta otyryp, mamandar daıarlaý, Túrkistan oblysynda maqta tuqymy zaýytyn jańǵyrtý (qýaty–jylyna 1,5 myń tonna, paıdalanýǵa berý–2025 jyldyń sońy) sharalary kózdelgen», delingen Premer-mınıstrdiń jaýabynda.
Osylaısha, qabyldanyp jatqan sharalar normatıvtik quqyqtyq qamtamasyz etýdi, ınvestısııalyq qoldaýdy, klasterlik ınfraqurylym qurýdy jáne tuqym sharýashylyǵyn damytýdy qosa alǵanda, maqta salasyn keshendi damytýǵa baǵyttalyp otyr.
