«Egemenniń» Temirin eske aldy

Temir Naǵymuly sonaý 1992 jyly, Táýelsizdiktiń tań­sárisin­de-aq el gazeti – «Egemenniń» tilshisi atanyp, osy qyzmetinen zeınet demalysyna shyqqan ­ardager áriptesimiz edi.

Jýrnalıstıka salasyndaǵy jemisti qyzmeti úshin Temir Qusaıyn 1995 jyly Qazaqstan Jýrnalıster odaǵy syılyǵyna ıe boldy, 1996 jyly «Qazaqstannyń jyl jýrnalısi» atandy. Respýb­lıkalyq basylymdaǵy tabys­ty eńbegi, kásibı jetistikteri úshin memlekettik marapatqa da usy­nyl­dy. 2005 jyly «Eren eńbegi úshin» medalimen, 2012 jyly jeltoqsan aıynda «Qurmet» ordenimen marapattaldy. 2014 jyly Temir Naǵymulynyń óńirine jerlesteri «Qaztalov aýdanynyń qurmetti azamaty» belgisin taqty.

Temir aǵamyz 2018 jyly «Qazaqstan Respýblıkasynyń aq­parat salasynyń úzdigi» atansa, 2020 jyly Qazaqstan Respýb­lı­kasy Parlamenti Májilisi bel­gi­legen «Parlament sózi» arnaıy syı­lyǵynyń laýreaty boldy. Zeınet dema­lysyna shyqqan soń da qalamyn sýyt­paı, respýblıkalyq, oblystyq basy­lymdarda turaqty jazyp júrdi. Batys Qazaqstan oblystyq «Oral óńiri» gaze­tinde «Qazaqstan Táýelsizdigine 30 jyl» atty arnaıy bettiń jaýapty redaktory bolyp, 2021 jyly qazan ­aıynda ómirden ótkenge deıin maqala jarııalap turdy.

19 maýsym – Temir aǵamyz­dyń týǵan kúni edi. Osy kúni áriptes­t­e­ri ómir­den ozǵan maıtalman tilshi­ni eske alýdy jón kórdi. Batys Qazaq­stan oblystyq Qoǵamdyq da­mý bas­qarmasynyń qoldaýymen ja­ryq kórgen «Egemenniń» Temiri» at­ty kitaptyń da tusaýy osy kúni kesildi.

Qadyr Myrza Áli atyndaǵy mádenıet jáne óner ortalyǵyn­da ótken taǵylymdy is-sharaǵa Astana qalasynan «Qazaq gazet­teri» bas dırektorynyń oryn­ba­sary Qambar Ahmetov kel­gen-di. Astanalyq meımandy Batys Qazaqstan oblysynyń ákimi Narı­man Tóreǵalıev arnaıy qa­byldap, qur­met kórsetti. О́ńir bas­shysy oblys­ta atqarylyp jat­­qan jumystar, mem­le­ket­tik baǵ­­da­r­lamalardyń orynda­lýy, sonyń ishinde Aqjaıyq óńi­rinde qolǵa alynǵan erekshe joba – «Qaladan aýylǵa» baǵ­dar­­la­masy týraly keńirek aıtyp berdi. Qambar Ahmetov Na­rıman Tóreǵalıuly­na «Qazaq gazet­teri» bas dırektory Dıhan Qam­zabekulynyń Alǵyshatyn tabys etti. Osyndaı marapatqa BQO Qoǵamdyq damý basqarmasy basshysy Darhan Qadyralıev te ıe boldy.

«Jarq etip sóngen bir jul­dyz» jobasy aıasynda ótken Temir Qusaıyndy eske alý ke­shine marqumnyń áriptesteri, oqyr­man­dary, týǵan-týystary jınaldy. Keshte «Qazaq gazetteri» bas dırektorynyń orynbasary Qam­bar Ahmetov cóz sóılep, otyz jylyn bas basylymǵa arna­ǵan Temir Qusaıyn týraly tebirene tolǵady. Temir Naǵymulynyń «Aq­parat salasynyń úzdigi» tósbe­ligisin onyń uly Qýanyshtyń qo­lyna tabys etti.

Osy is-shara qarsańynda «Egemen­niń» Temiri» atty kitap ja­ryq­qa shyqqan bolatyn. Bul jınaqta tanymal qalam­ger­ler Maqsot Izimuly, Maq­sat Tájimurat, Ertaı Ashyq­baev, Janbolat Aýpbaev, Esen­jol Qys­taýbaev, Darıǵa Mush­ta­nova, Ǵaısaǵalı Seıtaq, Mıra Shúıin­shálıeva, t.b. syndy árip­tes­teriniń Temir Naǵymuly ja­ıynda áserli estelikteri top­tastyrylǵan. Kitaptyń tusaýyn kesý rásimi «Parasat» ordeniniń ıegeri, Jazýshylar odaǵynyń múshesi, Halyqaralyq «Alash» ádebı syılyǵynyń laý­reaty, qoǵam qaıratkeri, aqyn, jazýshy Darıǵa Mush­ta­nova men Jazýshylar jáne Jýrnalıs­ter odaǵynyń múshesi, T.Aıberge­nov atyndaǵy syılyqtyń jáne Ha­lyq­aralyq «Alash» ádebı syı­­ly­ǵynyń laý­reaty, aqyn Ǵaı­saǵa­lı Seıtaqqa tapsyryldy. Darıǵa Ǵazezqyzynyń shynaıy este­­ligi jınalǵan jurtty tebi­rentti. Budan keıin sahnaǵa eń­bek ardageri, Mustahım Yq­sa­nov atyndaǵy qoǵamdyq qor­dyń tóraǵasy Asqar Ataev, Jýr­nalıster odaǵy­nyń múshesi, fotograf Rafhat Halelov jáne basqalary shyǵyp, áserli áńgime­lerin ortaǵa saldy. Mar­­qumnyń baýyry Mırlan Qusaıynov pen uly Qýanysh Temir­uly da osyn­daı ǵıbratty keshti uıymdas­tyrýshylarǵa alǵysyn aıtty.

Osy keshte Qaztalov aýdandyq ishki saıasat bóliminiń basshysy Aıdana Muham­betova men «Aýyl aınasy» gazetiniń tilshisi Qydyr Abrahmanov Temir aǵamyz dúnıege kelgen jerdiń ystyq yqylasyn bil­­dirip, «Egemenniń» Temiri» kitabyn Qaz­­talov aýdanynda da tanystyrýǵa shaqyrdy.

Estelik pen syrǵa toly keshte halyqaralyq, respýblıkalyq kon­kýrs­­tar­dyń laýreattary, Mádenıet salasynyń úzdigi Aslan­bek Qýana­lıev, Batys Qazaqstan obly­sy­nyń úzdik mádenıet qyz­metkeri, res­pýb­­lıkalyq kon­kýrs­tardyń laý­reaty Nurshat Islam­ǵalıev, res­pýb­lıkalyq baı­qaý­­lardyń jeńimpaz-júlde­gerleri Altynbek Bazarov, Rýstam Hafızovter óner kórsetti.

Áriptesimiz Temir Naǵymulyn eske alý keshin uıymdastyrýǵa, estelik kitaptyń jaryq kórýi­ne qoldaý bildirgen oblystyq qo­ǵamdyq damý basqarmasyna, «Jaıyq Press» medıaholdıngine, Qadyr Myrza Áli atyndaǵy má­de­nıet jáne óner ortalyǵyna kóp rahmet aıtamyz.

Batys Qazaqstan oblysy