foto: x.com/XHNews
Qarǵyn sýdan Jýnszıan jáne Sýnszıan ýezderi qatty zardap shekken. Apat saldarynan Jýnszıan ýezinde 48 900, al Sýnszıanda 32 000 adam ýaqytsha evakýasııalanǵan. Eki ýezde de tótenshe jaǵdaı rejımi eń joǵary birinshi deńgeıge kóterilgen.
Habarlaǵandaı, Dýlıý ózenindegi sý deńgeıi qaýipti mejeden 6,68 metrge kóterilgen.
«Qutqarý jumystaryna órt sóndirýshiler men eriktilerden quralǵan toptar tartyldy. Olar arnaıy qaıyqtar men qural-jabdyqtar kómegimen turǵyndardy evakýasııalap jatyr», delingen resmı habarlamada.
Budan bólek, provınsııanyń tótenshe jaǵdaılar departamenti zardap shekken aımaqtarǵa gýmanıtarlyq kómek jibergen. Onyń ishinde 30 000 bótelke aýyz sý men 10 000 porsııa tez daıyndalatyn kespe bar. Júktemeler joǵary jyldamdyqty poıyzdar men kólik arqyly jetkizilgen.
Sondaı-aq Gýıchjoýda nóser jańbyr saldarynan Sandý ýezindegi tas jol kópiriniń bir bóligi opyrylyp túsken. Qazirgi ýaqytta adam shyǵyny týraly málimet tirkelmegen.
Esterińizge sala keteıik, buǵan deıin Qytaıda 2024 jylǵy sáýir aıynda kúshti sý tasqyny bolyp, 50 myń adam evakýasııalanǵan, 11 adam habar-osharsyz ketken edi.
