Foto: TJM
Shyǵys Qazaqstan oblysy aýmaǵynda 52 mobıldik top qurylyp, 390-ǵa jýyq reıdtik is-shara júzege asyrylǵan. Qutqarýshylardyń aıtýynsha, shópti ruqsatsyz jaǵý negizgi qaýipterdiń biri bolyp otyr. Ormanshylar men TJD qyzmetkerleri birlesip orman mańynda patrýldeýdi kúsheıtken. Ushqyshsyz ushý apparattary arqyly aerovızýaldy baqylaý da júrgizilip jatyr. Nátıjesinde 73 azamat órt qaýipsizdigi erejelerin buzǵany úshin ákimshilik jaýapkershilikke tartylǵan.
«Jambyl oblysynda ishki ister jáne azamattyq qorǵaý organdarynyń qyzmetkerleri jergilikti atqarýshy organdardyń, ormandy qorǵaý qyzmetteriniń ókilderimen birlesip 16 mobıldik top quryldy. Olar orman alqaptarynda 309 reıdtik is-shara ótkizdi. Sondaı-aq eldi mekenderde profılaktıkalyq reıdter, kópqabatty úılerdiń aýlalarynda túsindirý jumystary, balalarǵa arnalǵan ashyq esik kúnderi júrgiziledi. Reıd nátıjesinde ormandy dala aımaqtarynda órt qaýipsizdigi erejelerin buzǵany úshin 232 adam ákimshilik jaýapkershilikke tartyldy», dep habarlady Tótenshe jaǵdaılar mınıstrligi.
Mańǵystaý oblysyn órt sóndirý beketteri qurylyp, 6 mobıldik top táýliktik patrýldeý júrgizip jatyr. Toptar qurǵaq shóp pen qoqysty ruqsatsyz jaǵý faktileriniń aldyn alyp, turǵyndar arasynda túsindirý jumystaryn júrgizip keledi. Apta saıynǵy reıdterdiń qorytyndysy boıynsha 5 quqyq buzýshy ákimshilik jaýapkershilikke tartylǵan.
Mınıstrlik dalada jáne orman alqaptarynda demalǵanda qaýipsizdik erejelerin saqtaý qajettigin eskertedi. Ot jaǵýǵa, qoqys pen qurǵaq shópti órteýge tyıym salynady. Balalarǵa ot pen sirińkemen oınaýdyń qaýiptiligin túsindirý mańyzdy. О́rt baıqalǵan jaǵdaıda 101 nemese 112 nómirine dereý habarlasý qajet.
TJM turǵyndardy sergek bolýǵa jáne órt qaýipsizdigi talaptaryn buljytpaı oryndaýǵa shaqyrady.
