Foto: Ashyq derekkóz
Statıstıkalyq málimetterge sáıkes, 2015 jyldan 2024 jylǵa deıingi aralyqta neke qııýdyń eń joǵary kórsetkishi dál osy aıǵa tıesili. Sońǵy on jylda tamyz aıynda orta eseppen 14,9 myń jup resmı túrde nekesin qıdyrǵan. 2016 jyly bul kórsetkish rekordtyq deńgeıge jetip, 16,9 myń neke tirkelgen.
Buryn shilde men qyrkúıek te tanymal aılar qatarynda bolǵan. Alaıda 2023 jyldan bastap maýsym aıy qyrkúıekti basyp ozyp, úzdik úshtikke engen. Máselen, 2024 jyly maýsymda 11,6 myń, al qyrkúıekte 10,8 myń neke qıylǵan.
Osylaısha, sońǵy eki jylda maýsym, shilde jáne tamyz aılary neke tirkeletin eń belsendi kezeńge aınaldy.
Eń tómengi neke sany ádette qańtar aıynda tirkeledi. Sońǵy onjyldyqta bes ret qańtar eń az neke qıylǵan aı boldy. Sondaı-aq mamyr da tómen kórsetkishtermen erekshelenedi.
Aıta keteıik, nekege turý belsendiligi 2020 jyldyń sáýirinde eń tómengi deńgeıge túsken. Bul kórsetkish koronavırýs pandemııasyna baılanysty shekteýler kezinde tirkelgen.
