Bala kezden gazet-jýrnaldan qol úzgen emespiz. Jyldar boıy úzbeı jazdyryp alyp oqıtyn gazetimniń biri de biregeıi – «Egemen Qazaqstan». Basylymnyń turaqty oqyrmanymyn jáne maqalalarymdy joldap otyramyn.
Tirshiligimiz Túrkistan óńirimen tikeleı baılanysty bolǵan soń da, gazetti alǵan soń, birden oblysqa qatysty maqalany izdep, oqyp shyǵamyz. Osy oraıda Ǵalymjan Elshibaıdyń óńirdegi ózekti máselelerdi taldap, tarata jazǵan maqalalaryn, jazýshy Marhabat Baıǵut, ustazy Temirbek Qojakeev týraly jazǵan tolǵaý-esselerin jalpy oqyrman qaýym joǵary baǵalady. Sondaı-aq basylymnyń «Bilim», «Ádebıettiń áńgimesi» betin oqyǵandy unatamyn. «Zerde», «Rýhanııat» aıdarymen jaryq kóretin jýrnalısterdiń, avtorlardyń shyǵarmalary da oqylymdy. Kókshetaýlyq jýrnalıst Baıqal Baıádildiń «Qaz-qalpynda» aıdarymen jarııalanyp júrgen eńbekteri óte shynaıy. Oı salady. Beken Qaıratulynyń etnografııalyq etıýdteri de qyzyqty. Jalpy, «Egemen Qazaqstan»-nyń ár nómirinen oqıtyn maqala kóp. Degenmen meniń jeke pikirim, gazettiń sońǵy betine qoıylatyn «Núkte» kórinbeı qaldy.
Ǵalymjan ShÁMShIDINULY,
Jumabek Táshenov atyndaǵy ýnıversıtet prorektory
Túrkistan
