Foto: primeminister.kz
Qujatqa sáıkes qarajat Rıdder qalasy jáne Q.Qaısenov kentiniń jylý jelilerinde jóndeý jumystaryn aıaqtaýǵa baǵyttalady. Bólingen qarjynyń negizgi bóligin Rıdder qalasynyń jylý jelileriniń eń qatty tozǵan 5,9 shaqyrym ýchaskesin kúrdeli jóndeýge jumsaý josparlanyp otyr.
Ulan aýdany Q.Qaısenov kentinde uzyndyǵy 9 shaqyrym jylý jelilerin rekonstrýksııalaýdyń ekinshi kezegin aıaqtaýǵa 113 mln teńge baǵyttaý josparlanǵan.
Jalpy ShQO-nyń eldi mekenderinde jylý jelileri 30 jyldan astam ýaqyt boıy paıdalanylyp keledi. Osy kezeńde olarǵa kúrdeli rekonstrýksııa jasalmaǵan. Tozý deńgeıi orta eseppen 55%-dan, al jekelegen eldi mekenderde 75%-dan asady.
Esterińizge salaıyq, bıyl mamyr aıynda QR Úkimetiniń rezervinen eki qazandyq agregatyn jóndeýge, №5 redýksııalyq-salqyndatý qondyrǵysynyń tehnologııalyq úderisterin basqarýdyń avtomattandyrylǵan júıesin engizýge, sondaı-aq Rıdder qalasynyń JEO-nyń ishki qajettilikterin qamtamasyz etetin elektrotehnıkalyq jabdyqtyń bir bóligin aýystyrýǵa shamamen 1,7 mlrd teńge bólindi.
Sońǵy eki jylda qalada jóndeý jumystary tótenshe jaǵdaı kezinde, JEO-ny tezirek iske qosý jáne jylý jelilerin jóndeý qajettiligine baılanysty júrgizildi. Jedel áreket etýdiń nátıjesinde eki jyl ishinde tozý 82%-dan 66,8%-ǵa deıin tómendedi.
