Qaraǵandy qalasynyń mamandandyrylǵan aýdanaralyq ekonomıkalyq soty jyljymaıtyn múlik pen jer ýchaskesin satý-satyp alý kelisimderin jaramsyz dep tanydy. Sotqa shaǵymdanýǵa №16 orta mektepke qarasty eki qabatty qosymsha ǵımarattyń jáne 1 gektardan astam aýmaqty quraıtyn jer ýchaskesiniń jekeshelendirýdegi zań buzýshylyqtar sebep bolǵan.
Prokýratýranyń aıtýynsha, bilim berý mekemesi áli kúnge deıin jumys istep turǵandyqtan, mekteptiń balansyna tirkelgen múlikter jekeshelendirýge jatpaıdy. Satý-satyp alý kelisimi qoldanystaǵy zań talaptaryna qaıshy jasalǵan.
Sot prokýratýranyń talap-aryzyn qanaǵattandyryp, satyp alý-satý kelisimderin jaramsyz dep tanyp, Qaraǵandy qalasy ákimdiginiń tıisti qaýlysynyń kúshin joıdy. Múlik memlekettik kommýnaldyq menshikke qaıtaryldy.
Buǵan deıin prokýratýranyń bastamasymen Lenın atyndaǵy kınoteatr da zańsyz túrde satylǵany anyqtalyp, ol ǵımarat ta memleket menshigine qaıtarylǵan bolatyn.
