Oqıǵa • 30 Maýsym, 2025

Alımentten qashyp, páterinen aıyryldy

50 ret

kórsetildi

1 mın

oqý úshin

Qazir qoǵamda alımentten qashqan áke kóp. Úılenýin úılenip alyp, otbasy jaýapkershiligin kótere almaı ajyrasqan soń, burynǵy áıelin bala-shaǵasymen tastap, «bostandyq aldym» dep oılaıtyndar bar. Shyn máninde, ómirge ákelgen urpaǵy eseıip, etek-jeńin jıǵansha onyń iship-jemi men kıim-keshegi eks-kúıeýdiń moınynda, dep habarlaıdy Egemen.kz.

Eskendir ZULQARNAI

Foto: halyq-uni.kz

Biraq osy qarapaıym shyndyqty túsingisi kelmeı, alıment tóleýden jaltarǵandar qatary azaımaı tur. Bul keleńsizdikten Mańǵystaý oblysy da kende emes. Máselen, Aqtaý qalalyq prokýratýrasy jyl basynan beri alıment boıynsha atqarýshylyq qujattarǵa taldaý júrgizgen bolatyn. Nátıjesinde birqatar quqyq buzýshylyq anyqtalyp, ýákiletti organǵa usynys engizilip, alımentten qashyp júrgenderden 33 mln teńge men 1 páter óndirip alýshynyń paıdasyna berildi.

Buǵan qosa, alıment tóleýden jaltarǵan 26 adamǵa ÁQBtK-niń 669-babynyń 1-bóligimen aıyppul jáne qamaqqa alý túrindegi ákimshilik jaza qoldanyldy.

Sonymen qatar 5 adamǵa qatysty Mańǵystaý oblysynyń kámeletke tolmaǵandardyń isteri jónindegi mamandandyrylǵan aýdanaralyq soty aıyptaý úkimin qabyldady.

Oblystyq prokýratýra kámeletke tolmaǵandardyń kútimine alıment tólemegen jaǵdaıda Qylmystyq kodekstiń 139-babynyń 1-bóligimen jaýaptylyq kózdelgendigin jáne alıment óndirý jónindegi atqarýshylyq qujattar prokýratýranyń basty nazarynda ekenin eskertedi.