Syıǵa tartylǵan kıiz úı bir mezette 150-ge jýyq adamdy qabyldaı alady. Ulttyq naqyshta bezendirilýine aýdan kásipkerleri uıytqy bolyp, qoldaý kórsetken eken. Kezinde Júsipbek Aımaýytov jazǵan, Semeıdegi talaı tarıhtyń kýási bolǵan kıeli oryn Túıemoınaq aralynda tigilgen kıiz úı qala turǵyndary men qonaqtaryna esigi ár ashyq. Munda kelýshiler serýendep júrip ulttyq taǵamdardan dám tata alady.
Kıiz úıdiń ashylýyna oblys ákimi Berik Ýálı jáne Maqanshy aýdanynyń aqsaqaldary men turǵyndary qatysty.
«Abaıdyń toıyna tartýdy alǵash bolyp oblysymyzdyń shetki, shekaradaǵy aýdany Maqanshy óńiriniń bastap jatqanynyń úlken maǵynasy bar dep oılaımyn. Bul basqa aýdandarǵa úlgi bolarlyq is, ıgi bastama», dedi aımaq basshysy.
Oblys ákimi osydan úsh aı buryn Maqanshy aýdanyna barǵan sapary aıasynda kezinde ónerimen eldi tamsandyrǵan «Injý-Marjan» ansamblin qaıta jandandyrý qajettigin aıtqan bolatyn. Búginde oǵan tıisti qarjy bólinip, ansambl óz jumysyn qaıta jandandyra bastady. Ony aıtyp otyrǵan sebebimiz, atalǵan is-shara aıasynda «Injý-Marjan» ansambli jınalǵandarǵa óneri kórsetti.
Abaı oblysy
